மாலே: மாலத்தீவு வெளியுறவுத்துறை அமைச்சர் மூசா சமீர் கூறியதாவது:- மாலத்தீவில் இருந்து இந்தியப் படைகளை முகமது மூயிஸ் வெளியேற்றியதைத் தொடர்ந்து இருதரப்பு உறவுகளில் விரிசல் ஏற்பட்டது.
விரிவான ஆலோசனைக்குப் பிறகு, இருதரப்பு உறவுகளில் பல்வேறு பிரச்னைகள் தீர்க்கப்பட்டன. சீனா மற்றும் இந்தியாவுடன் நாங்கள் நல்லுறவைக் கொண்டுள்ளோம்.
இரு நாடுகளும் மாலத்தீவை ஆதரிக்கின்றன என்றார். மாலத்தீவு சீனா மற்றும் இந்தியா ஆகிய இரு நாடுகளுடனும் நல்லுறவை பேண விரும்புகிறது. மாலத்தீவில் ஏற்பட்டுள்ள நிதி நெருக்கடி தற்காலிகமானது. இதை திறம்பட சமாளித்து இயல்பு நிலைக்கு கொண்டு வர, வரி விதிப்பில் சீர்திருத்தம், அரசு சார்பில் இயங்கும் பொதுத்துறை நிறுவனங்களுக்கான செலவினங்களைக் குறைத்தல் உள்ளிட்ட பல்வேறு முயற்சிகளை அரசு எடுத்து வருகிறது என்றார்.
கடந்த சில மாதங்களாக மாலத்தீவுக்கும் இந்தியாவுக்கும் இடையேயான உறவில் விரிசல் ஏற்பட்டுள்ளது. பிரதமர் மோடியின் லட்சத்தீவு பயணத்தை மாலத்தீவு முன்னாள் அமைச்சர்கள் விமர்சித்தது பெரும் சர்ச்சையை ஏற்படுத்தியது. இதனால் பல இந்தியர்கள் மாலத்தீவு பயணத்தை ரத்து செய்தனர்.
மாலத்தீவு அதிபர் முகமது முய்சுவும் இந்தியப் படைகளை திரும்பப் பெற உத்தரவிட்டார். இந்தியாவுக்கும் மாலத்தீவுக்கும் இடையே அதிருப்தி அதிகரித்து வரும் நிலையில், தற்போது மாலத்தீவு வெளியுறவுத்துறை அமைச்சர் எந்த பிரச்சனையும் இல்லை என்று கூறியுள்ளார்.
