வாஷிங்டன்: இந்தியாவுடனான முக்கிய வர்த்தக ஒப்பந்தம் இன்னும் இறுதி செய்யப்படவில்லை என அமெரிக்க அதிபர் டொனால்ட் டிரம்ப் தெரிவித்தார். இந்த நிலை நீடித்தால் இந்தியாவுக்கு 20% முதல் 25% வரையிலான வரி விதிக்கப்படும் என்றும் அவர் எச்சரித்துள்ளார்.
டொனால்டு டிரம்ப் அண்மையில் நடைபெற்ற நிருபர்களை சந்திக்கும் நிகழ்வில், “இந்தியா-அமெரிக்கா இடையிலான வர்த்தக பேச்சுவார்த்தைகள் நல்ல முறையில் நடைபெற்று வருகின்றன. ஆனால், ஒப்பந்தம் இறுதி கட்டத்தை எட்டவில்லை. இது முடியவில்லை என்றால், இந்தியாவுக்கு புதிய வரிகள் வரப்போகின்றன” எனத் தெரிவித்துள்ளார்.
மேலும் அவர் கூறியதாவது: “இந்தியா நல்ல கூட்டாளியாக இருந்து வந்தாலும், மற்ற நாடுகளுடன் ஒப்பிடும்போது, அமெரிக்கா மீது அதிக வரிகளை விதித்து வருகிறது. எனது வேண்டுகோளின் பேரில் பாகிஸ்தானுடன் நடைபெற்ற மோதலை முடிவுக்கு கொண்டு வந்தது இந்தியா. அதற்காக நன்றி. ஆனால் வர்த்தக சமநிலையைப் பார்வையிட்டு புதிய நடவடிக்கைகள் அவசியம்.”
இந்திய அரசு, ஆகஸ்ட் 15க்கு பிறகு அமெரிக்க பிரதிநிதிகளுடன் மீண்டும் பேச்சுவார்த்தையை தொடங்க திட்டமிட்டுள்ளது. இதற்கு முன், ஐந்து சுற்று பேச்சுவார்த்தைகள் நடைபெற்று முடிவுக்கு வராத நிலையில், இது ஒரு தற்காலிக பதிலடி நடவடிக்கை என்று கருதப்படுகிறது.
இந்த நிலைமை இழுபறியாக நீடித்தால், இருநாடுகளுக்கும் பொருளாதார பாதிப்புகளை ஏற்படுத்தும் அபாயம் உள்ளது. எனவே, விரைவில் ஒரு பரஸ்பர சமமுள்ள தீர்வை எட்டும் நம்பிக்கையுடன் இருநாடுகளும் முன்னெடுக்கப்பட வேண்டும்.
