அமெரிக்க பொருட்களுக்கு அதிக வரி விதிக்கும் நாடுகளில் இருந்து இறக்குமதி செய்யப்படும் பொருட்களுக்கான பரஸ்பர வரிகளை ஏப்ரல் 2-ம் தேதி முதல் அதிகரிக்கப்போவதாக மிரட்டல் விடுத்துள்ள நிலையில் டிரம்ப் இந்த கருத்தை தெரிவித்துள்ளார். ஒரு செய்தி நிறுவனத்திற்கு அளித்த பேட்டியில், அமெரிக்க-இந்திய உறவுகள் குறித்து டிரம்ப் கேட்டபோது, ”நாங்கள் இந்தியாவுடன் சிறந்த உறவு வைத்திருக்கிறோம்.
ஆனால் ஒரே பிரச்சனை என்னவென்றால், உலகிலேயே அதிக வரி விதிக்கும் நாடு இந்தியா என்பதுதான். ஒருவேளை அவர்கள் அமெரிக்க பொருட்களின் மீதான வரிகளை குறைக்கும் என்று நான் நம்புகிறேன். ஆனால் இந்தியா எங்களிடம் வசூலிக்கும் அதே வரியை ஏப்ரல் 2-ம் தேதி வசூலிப்போம்.” இந்தியாவில் தனது தயாரிப்புகளை விற்பனை செய்வதில் இந்தியா மிகவும் சிரமப்படுவதாகவும், அமெரிக்க பொருட்களின் மீதான வரியை குறைக்க இந்தியா ஒப்புக்கொண்டதாகவும் டிரம்ப் இந்த மாத தொடக்கத்தில் தெரிவித்திருந்தார்.
இருப்பினும், வர்த்தக செயலாளர் சுனில் பார்த்வால் இந்த விவகாரம் குறித்து ஏற்கனவே தெளிவுபடுத்தியுள்ளார், நாடாளுமன்ற குழுவுடன் பேச்சுவார்த்தை நடந்து வருவதாகவும், அமெரிக்க பொருட்கள் மீதான வரியை குறைப்பது குறித்து இன்னும் உடன்பாடு எட்டப்படவில்லை என்றும் கூறினார்.
