பிரான்ஸ் அதிபர் இமானுவேல் மேக்ரான் தனது மனைவியுடன் வியட்நாமுக்கு அரசு முறை பயணமாக சென்றார். அவர்களின் விமானம் வியட்நாமில் தரையிறங்கியதும், வியட்நாம் அரசின் உயர் அதிகாரிகள் அவர்களை வரவேற்க கையில் பூங்கொத்துடன் காத்திருந்தனர். ஆனால், அந்த வரவேற்பு தருணம் எதிர்பாராத திருப்பத்தை எடுத்தது.
விமானத்தின் கதவு திறக்கப்பட்டவுடன், மேக்ரானின் கன்னத்தில் அவரது மனைவி பிரிகிட்டின் அறை விழுந்ததாக ஒரு வீடியோ இணையத்தில் பரவி, பரபரப்பை ஏற்படுத்தியது. இந்த வீடியோவைப் பார்த்தவர்கள் அதிர்ச்சியடைந்ததுடன், சமூக வலைதளங்களில் பரபரப்பான விவாதங்களும் எழுந்தன. பலரும் “அதிபராக இருந்தாலும் மனைவிக்கு கணவர்தான்” என்ற வகையில் அவரை கிண்டல் செய்தனர்.
சம்பவம் தொடர்பான விவரங்களை மறுக்க முயன்ற பிரான்ஸ் அதிபர் மாளிகை, வீடியோ போலியானது என முதலில் தெரிவித்திருந்தது. ஆனால் அதன் பின்பு, வீடியோவில் உள்ள காட்சிகள் உறுதி செய்யப்பட்டதால், அந்த அறை உண்மையில் நிகழ்ந்ததுதானென அதிகாரப்பூர்வமாக ஒப்புக்கொள்ளப்பட்டது. அவர்களுக்குள் தனிப்பட்ட உரையாடல் நடைபெற்றபோது இந்த சம்பவம் நடந்ததாகவும் குறிப்பிடப்பட்டது.
இந்நிலையில், அமெரிக்க முன்னாள் அதிபர் டொனால்ட் டிரம்ப், மேக்ரானிடம் தொலைபேசியில் ஆலோசனை வழங்கியதாகத் தெரிவித்துள்ளார். தனிப்பட்ட விவகாரங்களை பொது மேடையில் வெளிக்கொணராமல் தவிர்க்க வேண்டும் என்ற அறிவுரையையும் மேக்ரானுக்கு கூறியதாக தெரிவித்தார். மேலும், மேக்ரான் மற்றும் பிரிகிட்டை “நல்ல தம்பதிகள்” எனவும், பல ஆண்டுகளாக அவர்களை தனக்குத் தெரியும் என்றும் கூறினார்.
மேக்ரானுக்கும் அவரது மனைவிக்கும் இடையே 25 ஆண்டுகள் வயது வித்தியாசம் உள்ளது. மேக்ரான் மாணவராக இருந்தபோது, பிரிகிட்ட் அவருக்கு ஆசிரியராக இருந்தார். அப்போது பரிமாறிய காதல் பின்னர் திருமணமாக முடிந்தது. ஆனால் பிரிகிட்டுக்கு முன் திருமணமும், அதில் பெற்ற மூன்று பிள்ளைகளும் இருப்பது குறிப்பிடத்தக்கது.
இந்த சம்பவம், இருவருக்குள்ள வயது வித்தியாசத்தை மீண்டும் சர்ச்சைக்குரிய செய்தியாக மாற்றியது. சிலர் அவர்களது உறவை ஆதரித்து கருத்து தெரிவிக்க, பலர் இந்த வயது வித்தியாசமே அவர்களுக்குள் மோதலுக்கு காரணமாக இருப்பதாக விமர்சிக்கின்றனர்.
வியட்நாமில் ஆரம்பித்த இந்த பயணம், அரசியல் இலக்குகளை விட தனிப்பட்ட சம்பவத்தால் அதிக அளவில் பேசப்பட்ட ஒன்றாக மாறிவிட்டது. மேக்ரானும், அவரது மனைவியும் இதைப் பொறுமையுடன் சமாளிக்க வேண்டிய கட்டாயம் ஏற்பட்டுள்ளது.
