ஜெனிவா: மலேரியா எகிப்தின் பண்டைய நாகரிகத்தைப் போலவே பழமையானது. ஆனால், இனிமேல் அந்த நோய் அங்கே கடந்த காலத்தின் ஒரு விஷயமாக மட்டுமே இருக்கும். அது எதிர்காலத்தில் இருக்காது. மலேரியா இல்லாத நாடாக எகிப்துக்கு வழங்கப்பட்டுள்ள இந்தச் சான்றிதழே அந்நாட்டு மக்கள் மற்றும் அரசாங்கத்தின் அர்ப்பணிப்புக்குச் சான்றாகும்.
அதிலிருந்து விடுபட அயராத உழைப்பு தேவைப்படும் என்று உலக சுகாதார அமைப்பின் தலைவர் டெட்ரோஸ் அதானோம் கெப்ரியேசஸ் கூறினார். எகிப்துடன் சேர்த்து, உலகில் 44 நாடுகள் இப்போது மலேரியா இல்லாத நாடுகள். அனோபிலிஸ் கொசுவினால் பரவும் மலேரியா குறைந்தது மூன்று வருடங்களாவது தடுக்கப்பட்டுள்ளது என்பதை நிரூபிக்கும் போது, உலக சுகாதார மையம் மலேரியா இல்லாத நாடு என சான்றளிக்கிறது.
மலேரியா மீண்டும் தொற்றுவதைத் தடுக்கும் திறனையும் இது நிரூபிக்க வேண்டும். மலேரியாவால் உலகம் முழுவதும் ஆண்டுக்கு 6 லட்சம் பேர் இறக்கின்றனர். அவர்களில் 95 சதவீதம் பேர் ஆப்பிரிக்காவைச் சேர்ந்தவர்கள். 2022-ம் ஆண்டில், உலகம் முழுவதும் சுமார் 249 மில்லியன் மக்கள் மலேரியாவால் பாதிக்கப்பட்டுள்ளனர்.
இந்தச் சான்றிதழைப் பெறுவது ஒரு பயணத்தின் முடிவு, மற்றொரு பயணத்தின் தொடக்கம் என எகிப்து சுகாதார அமைச்சர் கலீல் தெரிவித்துள்ளார். மலேரியாவைக் கட்டுப்படுத்தும் முயற்சிகள் 1920-களில் எகிப்தில் தொடங்கியது.
அப்போது, வீடுகளுக்கு அருகில் பயிர்களை பயிரிட வேண்டாம் என அரசு அறிவுறுத்தியது. 2001-ல் மலேரியா கட்டுப்பாட்டுக்குள் கொண்டுவரப்பட்டது.
