சென்னை: மேற்கு வங்க கடல் பகுதிகளில் நேற்று நிலை கொண்டிருந்த குறைந்த காற்றழுத்த தாழ்வு பகுதி நேற்று தெற்கு சத்தீஸ்கர் மற்றும் அதை ஒட்டியுள்ள விதர்பா பகுதிகளில் நிலவியது. இதனிடையே, மத்திய மேற்கு மற்றும் அதை ஒட்டிய வடமேற்கு வங்கக் கடலில் ஜூலை 19-ம் தேதி புதிய குறைந்த காற்றழுத்த தாழ்வு பகுதி உருவாக வாய்ப்புள்ளது.
இந்நிலையில், மேற்குக் காற்றின் வேகத்தில் ஏற்படும் மாறுபாடு காரணமாக தமிழகம், புதுச்சேரி, காரைக்காலில் ஓரிரு இடங்களில் இன்று இடி, மின்னலுடன் லேசானது முதல் மிதமானது வரை மழை பெய்யக்கூடும். மேலும் நிலத்தடி காற்று மணிக்கு 30 முதல் 40 கிமீ வேகத்தில் வீசக்கூடும். மேலும் நீலகிரி, கோவை, திருப்பூர், தேனி, திண்டுக்கல் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.
அதைத் தொடர்ந்து, நாளை (ஜூலை 18) தமிழகம், புதுச்சேரி மற்றும் காரைக்காலில் ஒரு சில இடங்களில் லேசானது முதல் மிதமானது வரை மழை பெய்யக்கூடும். சென்னை மற்றும் புறநகர்ப் பகுதிகளில் இன்று வானம் ஓரளவு மேகமூட்டத்துடன் காணப்படும். நகரின் ஒரு சில பகுதிகளில் இடி மற்றும் மின்னலுடன் லேசானது முதல் மிதமானது வரை மழை பெய்ய வாய்ப்புள்ளது.
மன்னார் வளைகுடா மற்றும் அதை ஒட்டிய தென்கிழக்கு கடலோர பகுதிகள், குமரி கடல், மத்திய மேற்கு மற்றும் அதை ஒட்டிய தென்மேற்கு கடலோர பகுதிகள், மத்திய கிழக்கு வங்க கடல், தெற்கு, மத்திய வங்க கடல், வடக்கு அந்தமான், ஆந்திர கடலோர பகுதிகள், மத்திய மற்றும் அதை ஒட்டிய தென்கிழக்கு அரபிக் கடல் , கர்நாடக கடலோரப் பகுதிகள், கேரளா கடற்கரை பகுதிகளில் இன்றும் நாளையும் லட்சத்தீவுகள் மற்றும் பகுதிகளில் அதிகபட்சமாக மணிக்கு 55 முதல் 65 கிமீ வேகத்தில் பலத்த சூறாவளி காற்று வீசக்கூடும். எனவே, இப்பகுதிகளுக்கு மீனவர்கள் செல்ல வேண்டாம் என சென்னை வானிலை ஆய்வு மையம் எச்சரிக்கை விடுத்துள்ளது.
