புதுடெல்லி: மத்திய பட்ஜெட் கூட்டத்தொடர் வரும் 22ம் தேதி தொடங்க உள்ள நிலையில், சட்டசபையை சுமூகமாக நடத்துவது குறித்து ஆலோசிக்க 21ம் தேதி அனைத்து கட்சி கூட்டத்திற்கு மத்திய அரசு ஏற்பாடு செய்துள்ளது.
மக்களவைத் தேர்தலை முன்னிட்டு பிப்ரவரி 1ஆம் தேதி இடைக்கால பட்ஜெட்டை மத்திய நிதியமைச்சர் நிர்மலா சீதாராமன் தாக்கல் செய்தார். இதையடுத்து, புதிய அரசு பதவியேற்ற பிறகு, நடப்பு 2024-25ஆம் நிதியாண்டுக்கான பட்ஜெட் தாக்கல் செய்வதற்கான கூட்டத்தொடர் வரும் 22ஆம் தேதி தொடங்கி ஆகஸ்ட் 12ஆம் தேதி வரை நடைபெறுகிறது.
அதன்படி நடப்பு நிதியாண்டுக்கான பட்ஜெட்டை மத்திய நிதியமைச்சர் நிர்மலா சீதாராமன் வரும் 23ம் தேதி தாக்கல் செய்ய உள்ளார். இதன் மூலம் தொடர்ந்து ஏழாவது முறையாக பட்ஜெட் தாக்கல் செய்ய உள்ளார். பட்ஜெட் கூட்டத்தொடரை சுமுகமாக நடத்துவது குறித்து ஆலோசிக்க வரும் 21ம் தேதி அனைத்து கட்சி கூட்டத்துக்கு மத்திய அரசு ஏற்பாடு செய்துள்ளது.
மக்களவை எதிர்க்கட்சித் தலைவர் ராகுல் காந்தி முதன்முறையாக பார்லி வளாகத்தில் நடைபெறும் இந்தக் கூட்டத்தில் பங்கேற்கிறார். இந்த கூட்டத்தை புறக்கணிக்க திரிணாமுல் காங்கிரஸ் முடிவு செய்துள்ளதாக தகவல் வெளியாகியுள்ளது. மேற்கு வங்கத்தில் மார்க்சிஸ்ட் கம்யூனிஸ்ட் ஆட்சியில் 1993-ம் ஆண்டு மாநில இளைஞர் காங்கிரஸ் தலைவராக மம்தா பானர்ஜி இருந்தார்.
பேரணியின் போது 13 பேர் காவல்துறையினரால் சுட்டுக் கொல்லப்பட்டனர். அவர்களுக்கு அஞ்சலி செலுத்தும் வகையில் திரிணாமுல் காங்கிரஸ் சார்பில் ஜூலை 21-ம் தேதி பேரணி நடத்தப்பட்டது. இதன் காரணமாக அனைத்து கட்சி கூட்டங்களிலும் கட்சியினர் பங்கேற்க மாட்டார்கள் என கூறப்படுகிறது.
