இயக்குனர் வெற்றிமாறனின் ‘விடுதலை பாகம் 1’ வெளியாகி மாபெரும் வெற்றி பெற்றதில் இருந்தே, இரண்டாம் பாகத்திற்கான எதிர்பார்ப்பு ரசிகர்கள் மத்தியில் எகிறியது. ‘விடுதலை’ படத்தின் இரண்டாம் பாகத்தை வெளியிட ரசிகர்கள் மற்றும் வர்த்தக வட்டாரங்கள் ஆர்வமாக உள்ளன. இந்நிலையில், தமிழ் மற்றும் தெலுங்கில் விஜய் சேதுபதி, சூரி நடிக்கும் படத்தின் ஃபர்ஸ்ட் லுக்கை ஆர்எஸ் இன்ஃபோடெயின்மென்ட் தயாரிப்பாளர் எல்ரெட் குமார் வெளியிட்டுள்ளார்.
இது குறித்து தயாரிப்பாளர் எல்ரெட் குமார் கூறும்போது…
‘விடுதலை’ ரசிகர்கள் மற்றும் திரையுலகினர் மத்தியில் அமோக வரவேற்பைப் பெற்று வருகிறது. ‘விடுதலை 1’ எங்கள் எதிர்பார்ப்பை விட அதிகமாக இருந்தது. வணிக சினிமாவுக்கும் இணையான சினிமாவுக்கும் இடையிலான இடைவெளியை இந்தப் படம் குறைக்கிறது. இந்த படம் வருங்கால இயக்குனர்களுக்கு ஒரு ப்ளூபிரிண்ட்டாக மாறியிருக்கிறது என்று தொழில்துறை மற்றும் வர்த்தக வட்டாரங்களில் இருந்து கேட்க நாங்கள் மகிழ்ச்சியடைகிறோம்.
‘விடுதலை 1’ மற்றும் ‘கருடன்’ படங்களின் பிளாக்பஸ்டர் வெற்றிக்குப் பிறகு நடிகர் சூரியின் கேரியர் கிராஃப் எகிறியுள்ளது. நம் மக்கள் செல்வன் விஜய் சேதுபதியின் ‘மகாராஜா’ படமும் வெற்றி பெற்றுள்ளது. பல பாசிட்டிவ் விஷயங்களுடன் கூடிய சிறந்த முறையில் ‘விடுதலை 2’ படத்தை ரசிகர்களுக்கு வழங்குவதில் மிக்க மகிழ்ச்சி அடைகிறோம்.
இந்த இரண்டாம் பாகத்தை இன்னும் மெருகேற்றி வருகிறார் வெற்றிமாறன். இசைஞானி இளையராஜா சாரின் மந்திர இசை இந்த கதைக்கு வலு சேர்க்கிறது. இப்படத்தின் படப்பிடிப்பை முடித்து, இந்த ஆண்டு இறுதியில் வெளியிட திட்டமிட்டுள்ளோம். பவானி ஸ்ரீ, ராஜீவ் மேனன், கவுதம் வாசுதேவ் மேனன், சேத்தன் மற்றும் பலர் தங்கள் நடிப்பால் படத்தின் மதிப்பை உயர்த்தியுள்ளனர். இவர்களுடன் நடிகர்கள் மஞ்சு வாரியர், அனுராக் காஷ்யப் மற்றும் பல நம்பிக்கையாளர்களும் ‘விடுதலை’ இரண்டாம் பாகத்தில் நடிப்பதில் நாங்கள் மிகவும் மகிழ்ச்சியடைகிறோம். குறிப்பாக, இந்த படத்தில் மஞ்சு வாரியரின் நடிப்பு விமர்சகர்கள் மற்றும் ரசிகர்களால் பாராட்டப்படும். இந்தப் படத்தில் நடிகர் கிஷோரின் கதாபாத்திரம் அட்டகாசமாக இருக்கும் என்றார்.
ரெட் ஜெயண்ட் படத்தை தமிழகம் முழுவதும் விநியோகம் செய்யவுள்ளது. இப்படத்தின் டிரைலர், ஆடியோ மற்றும் உலகம் முழுவதும் வெளியாகும் படத்தின் அதிகாரப்பூர்வ அறிவிப்பு விரைவில் வெளியாகும் என்று கூறப்படுகிறது
