தமிழ்நாடு அரசு தேர்வாணையம் நடத்தும் குரூப் 2 மற்றும் 2A தேர்வு வரும் செப்டம்பர் 14ஆம் தேதி நடைபெறவிருக்கிறது. அதற்கு விண்ணப்பிப்பதற்கான தேதி நேற்றுடன் நிறைவடையும் நிலையில், அதற்கான தேதி நீட்டிக்கப்பட்டுள்ளது.
குரூப் 2 மற்றும் 2A தேர்வுக்கு விண்ணப்பிக்க கடந்த ஜூன் மாதம் 20ஆம் தேதி முதல் ஜூலை 19ஆம் தேதி (நேற்று ) வரை அவகாசம் வழங்கப்பட்டிருந்தது. இந்நிலையில், இந்த தேர்வுக்கு விண்ணப்பிக்க, இன்று வரை அவகாசம் கொடுக்கப்பட்டுள்ளது.
இதுகுறித்து தமிழ்நாடு அரசு தேர்வாணையம் கொடுத்த அறிக்கையில், தொழில்நுட்பக் காரணங்களால் இணைய வழியாக விண்ணப்ப கட்டணம் செலுத்துவதற்கு இயலவில்லை என தேர்வர்கள் தெரிவித்ததால், தேர்வர்கள் விண்ணப்பிப்பதற்கும் மற்றும் தேர்வுக் கட்டணம் செலுத்துவதற்கும் 20.07.2024 (இன்று ) நள்ளிரவு 11:59 வரை கால நீட்டிப்பு வழங்கப்படுவதாக தெரிவிக்கப்பட்டுள்ளது.
