ராஞ்சி: ‘லோக்சபா தேர்தல் தோல்வியை ஏற்க முடியாமல், காங்., எம்.பி., ராகுல் மற்றும் இந்திய கூட்டணியினர் திமிர் காட்டி வருகின்றனர்’ என, மத்திய உள்துறை அமைச்சர் அமித்ஷா கூறினார். ஜார்க்கண்ட் மாநிலத்தில் நடந்த பா.ஜ.க. செயற்குழு கூட்டத்தில், அமித்ஷா பேசியதாவது: ஜார்க்கண்டில் ஆதிக்க பழங்குடியினரின் எண்ணிக்கை வெகுவாக குறைந்து வருகிறது.
நடந்து முடிந்த லோக்சபா தேர்தலில் மொத்தமுள்ள 81 சட்டசபை தொகுதிகளில் 52ல் ஏற்கனவே தாமரை மலரிவிட்டது. ஜார்க்கண்டில் ஆட்சி அமைக்க பாஜக உறுதியாக உள்ளது. ஆட்சி அமைத்த பிறகு பழங்குடியின மக்களின் நிலம், இட ஒதுக்கீடு, மக்கள் தொகை குறித்து வெள்ளை அறிக்கை வெளியிடுவோம்.
12 லட்சம் கோடி ஊழல்
லோக்சபா தேர்தல் தோல்வியை ஏற்க முடியாமல் ராகுல் உள்ளிட்ட இண்டியா கூட்டணி கட்சிகள் திமிர் காட்டி வருகின்றனர். அகில இந்திய கட்சி தலைவர்கள் ரூ.12 லட்சம் கோடி ஊழல் செய்துள்ளனர்.
2014, 2019, 2024 ஆகிய ஆண்டுகளில் நடைபெற்ற லோக்சபா தேர்தல்களில் காங்கிரஸ் வென்றதை விட, இந்த லோக்சபா தேர்தலில் பா.ஜ.க. அதிக இடங்களை பெற்றுள்ளது.நாட்டிலேயே ஹேமந்த் சோரன் தலைமையிலான அரசுதான் ஊழல் நிறைந்த அரசு. அதை நிரூபிக்க வேண்டிய நேரம் வந்துவிட்டது. இவ்வாறு அமித் ஷா பேசினார்.
