இசைஞானி இளையராஜாவின் வாழ்க்கை வரலாறு குறித்த படத்தின் அதிகாரப்பூர்வ அறிவிப்பு நேற்று வெளியானது. இளையராஜாவுடன் இணைந்து கனெக்ட் மீடியாவுடன் இணைந்து இந்தப் படத்தைத் தயாரிக்கிறார்.
இளையராஜாவாக தனுஷ் நடிக்கும் இந்தப் படத்தை அருண் மாதேஸ்வரன் இயக்குகிறார். படத்திற்கு நீரவ் ஷா ஒளிப்பதிவு செய்கிறார், முத்துராஜ் கலை இயக்குநராக பணியாற்றுகிறார்.
இந்த படத்தின் வசனத்திற்காக இயக்குனர் அருண் மாதேஸ்வரன் தற்போது இளையராஜாவுடன் நெருங்கிய நண்பர்களாக இருக்கும் தமிழ் திரையுலக பிரபலங்களை சந்தித்து பேசி வருவதாக கூறப்படுகிறது. இப்படத்தின் படப்பிடிப்பு அக்டோபர் மாதம் நடைபெறும் என கூறப்படுகிறது. ஆனால் தற்போதைய தகவலின்படி தாமதம் ஏற்படும் என்று கூறப்படுகிறது.
இந்நிலையில், இந்தப் படம் இரண்டு பாகங்களாக வெளியாகவுள்ளதாக தகவல்கள் வெளியாகியுள்ளன. பட வாய்ப்புகள் தேடி இளையராஜா தனது கிராமத்தில் இருந்து சென்னை வரும் வரை முதல் பாகம் உருவாகும் என்று கூறப்படுகிறது.
