சென்னை: அப்போது மறுத்துவிட்டேன். இனி அப்படி ஒரு வாய்ப்பை மறுக்க மாட்டேன் என்று நடிகர் சூர்யா தெரிவித்துள்ளார்.
முன்னணி இயக்குனராக இருப்பவர் எஸ்.எஸ். ராஜமௌலி. இவர் நான் .ஈ, பாகுபலி, ஆர்.ஆர்.ஆர் என அவர் படங்கள் மூலம் தனக்கு என்று ஒரு தனியிடத்தை பிடித்தவர். இப்போது இவர் படத்தில் நடிக்க வேண்டும் என்பது பல நடிகர்களின் கனவாக உள்ளது. ஆனால் முன்பு இவர் படத்தில் நடிக்க வாய்ப்பு கிடைத்தும் சில நடிகர்கள் நடிக்க மறுத்துவிட்டனர்.
அந்த வரிசையில் தமிழில் முன்னணி நடிகராக இருக்கும் சூர்யா, ராஜமௌலி படத்தில் நடிக்க மறுத்திருக்கிறார். இதை அவரே பல பேட்டிகளில் கூறியிருக்கிறார்.
இதுகுறித்து சூர்யா, பாகுபலி படத்தில் ஒரு முக்கிய கதாபாத்திரத்தில் நடிக்க அவரை அணுகியதாகவும் ஆனால், சூர்யா அந்த வாய்ப்பை மறுத்துவிட்டதாகவும் அந்த முடிவுக்கு அவர் வருந்துவதாகவும் கூறியுள்ளார்.
அதுமட்டும் இல்லாமல், இனி ராஜமவுலி இயக்குனருடன் இணையும் மற்றொரு வாய்ப்பை இழக்க மாட்டேன் என்றும் கூறியுள்ளார் என்பதும் குறிப்பிடத்தக்கது.
