இந்தியாவில் முதலீட்டு விழிப்புணர்வு நாளுக்குநாள் அதிகரித்து வருகிறது. மியூச்சுவல் ஃபண்ட்களில் SIP எனப்படும் முறையான திட்டமிடப்பட்ட முதலீடு பெரும் வரவேற்பை பெற்றுள்ளது. குறைந்த அளவிலான தொகையிலேயே முதலீட்டை தொடங்கலாம் என்பதால், இது அனைவரும் பயன் பெறக்கூடிய முதலீட்டு வழியாக திகழ்கிறது. மாதம் ₹10,000 முதலீடு செய்து வருபவர்கள், ஆண்டுக்கு 12% வருமானம் கிடைக்கும் என எடுத்துக்கொண்டால், சில வருடங்களில் அவர்கள் ₹1 கோடி நிதி சேர்க்க முடியும்.
10 ஆண்டுகள் தொடர்ந்து ₹10,000 முதலீடு செய்தால், ₹12 லட்சம் முதலீட்டில் ₹10.40 லட்சம் லாபம் கிடைத்து மொத்தம் ₹22.40 லட்சம் இருக்கும். 15 ஆண்டுகள் வரை தொடர்ந்தால் ₹18 லட்சம் முதலீட்டில் ₹29.59 லட்சம் லாபம் கிடைத்து ₹47.59 லட்சம் இருக்கும். 20 ஆண்டுகளில் ₹24 லட்சம் முதலீட்டில் ₹67.98 லட்சம் லாபம் மூலம் ₹91.98 லட்சம் கிடைக்கும். மேலும் 21 ஆண்டுகள் தொடர்ந்து முதலீடு செய்தால் ₹1.04 கோடி பெற முடியும்.
எஸ்ஐபி முறையில் தொடர்ச்சியான முதலீட்டினால், நேர்மறையான பண நிதி வளர்ச்சியை அடையலாம். இது தனிநபரின் எதிர்கால நிதி நிலையை வலுப்படுத்தும் மற்றும் கனவுகளை நிறைவேற்றும் வழி என பார்க்கப்படுகிறது. வருமானம் குறைந்தவர்களுக்கும் இம்மாதிரி முதலீடு உகந்தது என்பதே அதன் பெரும் பலம். மொத்தத்தில், நிதி சுதந்திரத்துக்கு வழிகாட்டும் சரியான ஆரம்பமாக SIP திகழ்கிறது.
