இந்து சமூகத்தில் மாற்றம் ஏற்படுத்த ஆர்எஸ்எஸ் தென்னிந்திய தலைவர் வலியுறுத்தல்..!!

மதுரை: இந்து சமூகத்தில் மாற்றம் தேவை என்று ஆர்எஸ்எஸ் தென்னிந்திய தலைவர் வன்னியராஜன் கூறினார். மதுரை முருக பக்தர்கள் மாநாட்டில் பேசிய அவர், இது இந்து சமூகத்தின் மனநிலையில் மாற்றத்தை ஏற்படுத்தக்கூடிய மாநாடு. கூட்டு முயற்சிகள் காரணமாக இந்த மாநாடு வெற்றி பெற்றுள்ளது. நாங்கள் அதிக எண்ணிக்கையில் கூடியுள்ளோம்.

இதன் மூலம் ஒரு பெரிய மாற்றம் ஏற்பட்டுள்ளது. இந்து சமூகம் முழு உலகத்தையும் ஒரே குடும்பமாகக் கருதியது. பெண்களை தாய்மார்களாக மதிப்பது நமது கலாச்சாரம். தீண்டாமை நமது சமூகத்தில் மிகப்பெரிய சரிவை ஏற்படுத்தியுள்ளது. தீண்டாமையின் சமத்துவமின்மை மண்ணிலிருந்து மறைந்து போக வேண்டும். விளம்பரம் இந்துதமிழ்16 ஜூன் அதுதான் நமது குறிக்கோள்.

நமது கிராமங்களில் உள்ள பல கோயில்களில் பட்டியல் சாதியினருக்கு அனுமதி இல்லை என்று கூறப்படுகிறது. இதை மாற்ற வேண்டும். இந்து சமூகத்தில் மாற்றம் தேவை. நமக்கு பொதுவாக ஒரு மயானம், நீர்நிலை வசதி தேவை. இந்த மாநாடு தமிழ்நாட்டில் மாற்றத்தை ஏற்படுத்த ஒரு இயக்கத்தை உருவாக்கும். இவ்வாறு அவர் பேசினார்.