சென்னையில் போதைப் பொருள் வழக்கில் நடிகர் ஸ்ரீகாந்த் மற்றும் கிருஷ்ணா கைது செய்யப்பட்டுள்ளார்கள். நுங்கம்பாக்கத்தில் நடந்த மோதலில், அதிமுக முன்னாள் நிர்வாகி பிரசாந்த் கைது செய்யப்பட்டார். அவரது செல்போனை ஆய்வு செய்த போலீஸாருக்கு, ஸ்ரீகாந்துக்கு போதைப் பொருள் வழங்கப்பட்டதற்கான தகவல்கள் கிடைத்தன. விசாரணையில் பிரதாப் என்பவர் மூலமாக கொக்கைன் வாங்கி கொடுத்ததாக ஸ்ரீகாந்த் தெரிவித்துள்ளார்.
பிரசாந்த் தயாரித்த “தீங்கிரை” திரைப்படத்தில் ஸ்ரீகாந்த் நடித்திருந்தார். ஸ்ரீகாந்த் தன்னைப் பற்றி, “நான் போதைப் பொருள் எடுத்தது தவறு. ஆனால் என் குழந்தையின் உடல்நிலை மோசமாக உள்ளது. அதனால் ஜாமீன் தேவை” எனக்கூறினார். ஆனால் அவரது ரத்த பரிசோதனையில் கொக்கைன் இருப்பது உறுதி செய்யப்பட்டது. இதையடுத்து அவர் புழல் சிறையில் ஜூலை 7 வரை காவலில் வைக்கப்பட்டுள்ளார்.
கழுகு பட நடிகர் கிருஷ்ணாவும் போதை வழக்கில் சிக்கியுள்ளார். அவர் சில நடிகர், நடிகைகளுக்கு போதைப் பொருள் வழங்கியதாக தகவல்கள் வந்துள்ளன. போலீசாரின் சம்மனுக்கு அவர் பதிலளிக்காமல் தலைமறைவான நிலையில் இருந்தார். நுங்கம்பாக்கம் போலீசில் விசாரணைக்கு ஆஜராகிய கிருஷ்ணா, “எனக்கு இரைப்பை அழற்சி இருக்கிறது, நான் போதைப் பொருள் எடுக்க முடியாது” என வாதிட்டார்.
தென்னிந்திய திரையுலகில் தற்போது போதைப் பொருள் கலாசாரம் பரவிவருகிறது. 45 நாட்களுக்குள் பரிசோதனை செய்தால் உடலில் போதைப் பொருள் இருப்பது தெரியவரும். சில பிரபலங்கள் தலைமறைவாகி செல்போன்களை ஆஃப் செய்து வைத்துள்ளனர். போலீசார் ஆதாரங்களை சேகரித்து, சம்பந்தப்பட்டவர்களைத் தேடி வருகின்றனர்.
