ராமன் நூடுல்ஸ் இளைஞர்கள் மற்றும் வணிக வல்லுநர்கள் மத்தியில் பெரும் பிரபலத்தை பெற்றுள்ளது. ஆனால் சமீபத்தில் சமூக ஊடகங்களில் வெளியான ஒரு வீடியோ இந்தப் பிரபலமான சிற்றுண்டியின் பாதுகாப்பு மற்றும் ஊட்டச்சத்து குறித்த பெரிய சந்தேகங்களை எழுப்பியுள்ளது. இன்ஸ்டாகிராமில் ஓம்கோட்வார்ன்ஸ் என்ற பேஜியில் ராமன் நூடுல்ஸ் பாக்கெட்டில் அச்சிடப்பட்டுள்ள எச்சரிக்கை லேபிளைப் பற்றிய வீடியோ வலை உலகில் பரவியது. இந்த வீடியோ தற்போது 7.5 மில்லியனுக்கும் மேற்பட்ட பார்வையாளர்களைப் பெற்றுள்ளது. லேபிளில் நூடுல்ஸ் புற்றுநோய் மற்றும் இனப்பெருக்கத்திற்கு தீங்கு விளைவிக்கும் என்ற கூற்றுக்கள் வெளிப்படையாக குறிப்பிடப்பட்டுள்ளன.
இது குழந்தைகள் முதல் பெரியவர்களும் விரும்பி சாப்பிடும் நூடுல்ஸ் மீது இருந்ததால் பெரும் பரபரப்பை ஏற்படுத்தியுள்ளது. இந்த எச்சரிக்கை உண்மையா அல்லது பொய் என சிலர் கருத்து தெரிவித்தாலும், அதிகமானோர் அதிர்ச்சியுடன் இந்த தகவலை பகிர்ந்துள்ளனர். சமூக வலைதளங்களில் ஒரு யூசர் “இவை ஏன் பொதுவாக தெரிவிக்கப்படவில்லை? ஏன் லேபிளில் எழுத்துக்கள் இவ்வளவு சிறியதாக இருக்கிறது?” என்று கேள்வி எழுப்பியுள்ளார். இன்னொரு யூசர் இதை போலியான தகவல் என்று மறுத்து, உண்மையை உறுதி செய்ய வேண்டும் எனக் கோரிக்கை வைத்தார். இதனைத் தொடர்ந்து சிலர் “நூடுல்ஸ் சாப்பிட வேண்டுமா?” என்று சந்தேகங்களை தெரிவித்தனர்.
ஒருவர், “இந்த நூடுல்ஸை சோதனை செய்து பார்க்காமல் பணத்தை வீணாக்க விரும்பாததால், கலிபோர்னியாவில் இத்தகைய எச்சரிக்கைகள் அச்சிடப்படுகின்றன” என்று விளக்கினார். மற்றொருவர் “அடுத்த முறை நூடுல்ஸ் வாங்கும்போது கவனமாக பார்க்க வேண்டும்” என்றார். அடுத்தவரின் கருத்து அதுவும் முக்கியம்; “அம்மாக்கள் சமைக்கும் ஆரோக்கிய உணவுகளை மறுக்கிறோம், ஏனெனில் உடனடியாக எளிமையான உணவுகளை விரும்புகிறோம்” என்று கூறினார். இதை மனதில் வைத்து உணவின் பாதுகாப்பை உறுதிசெய்ய வேண்டும் என்பது அனைவருக்கும் தேவை.
சமூக வலைதளங்களில் இதற்கு எதிராகவும் ஆதரவாகவும் பல கருத்துக்கள் பரிமாறப்பட்டு வருகின்றன. சிலர் “இது நல்ல நோக்கத்துடன் வெளியிடப்பட்ட தகவல், ஏனெனில் பெரும்பாலான நிறுவனங்கள் இதுபோன்ற எச்சரிக்கைகளை வெளிப்படையாக கூறுவதில்லை” எனவும் தெரிவித்தனர். இதன் மூலம் பொதுமக்கள் விழிப்புணர்வு பெறுவார்கள் என எதிர்பார்க்கப்படுகிறது. இந்தச் சூழலில் உணவு பாதுகாப்பின் முக்கியத்துவம் மீண்டும் உறுதியாகிறது.
