ஸாக்ரெப்: சூப்பர் யுனைடெட் ரேபிட் மற்றும் பிளிட்ஸ் செஸ் போட்டி குரோஷியாவின் ஸாக்ரெப்பில் நடைபெறுகிறது. இதில், இந்தியாவின் உலக சாம்பியனான குகேஷ் ரேபிட் பிரிவில் பட்டத்தை வென்றுள்ளார். இந்தத் தொடரும் கிராண்ட் செஸ் சுற்றுப்பயணத்தில் ஒன்றாகும்.
ரேபிட் வடிவத்தில் குகேஷ் முதல் சுற்றில் தோற்றார். அதன் பிறகு, அவர் தொடர்ச்சியாக 5 சுற்றுகளை வென்றார். 6-வது சுற்றில், உலகின் நம்பர் ஒன் வீரரான நார்வேயின் மேக்னஸ் கார்ல்சனை குகேஷ் தோற்கடித்தார். அவர் 7-வது சுற்றில் அனிஷ் கிரி மற்றும் 8-வது சுற்றில் இவான் சரிச் ஆகியோருக்கு எதிராக விளையாடினார்.
இரண்டு சுற்றுகளும் டிராவில் முடிந்தது. இதன் மூலம், ரேபிட் பிரிவில் குகேஷ் 14 புள்ளிகளுடன் பட்டத்தை வென்றார். ரேபிட் பிரிவில் போலந்து வீரர் துடா 11 புள்ளிகளுடன் இரண்டாவது இடத்தைப் பிடித்தார்.
கார்ல்சன் 10 புள்ளிகளுடன் மூன்றாவது இடத்தைப் பிடித்தார். பிரக்ஞானந்தா 9 புள்ளிகளுடன் 4-வது இடத்தைப் பகிர்ந்து கொண்டார்.
