கருமையான கூந்தல் என்பது ஒரு அழகு குறியீடாகவும், தன்னம்பிக்கையின் அடையாளமாகவும் பார்க்கப்படுகிறது. இயற்கையாக வரும் நரைமுடி அற்புதமானதே என்றாலும், சிலர் அதை மறைத்து வைக்க விரும்புவார்கள். மார்க்கெட்டில் கிடைக்கும் ஹேர் டைகள் பல்வேறு ரசாயனங்களை கொண்டிருப்பதால், இயற்கையான மாற்று வழி தேடுபவர்கள் கூட அதிகரித்துள்ளனர். அதற்கான எளிய, பாதுகாப்பான வழி உங்கள் வீட்டில் இருக்கும் இன்ஸ்டன்ட் காபி பொடிதான்.
இன்ஸ்டன்ட் காபி தலைமுடிக்கு இயற்கையான ஹேர் டையாக செயல்படுகிறது. இதில் உள்ள காஃபைன் தலைமுடி வளர்ச்சியை ஊக்குவிக்கிறது, மற்றும் ஆன்டி-ஆக்ஸிடன்ட்கள் தலைமுடிக்கு பளபளப்பும், வாழ்நாளும் தருகின்றன. இதற்கு தேவையானவை — 2 மேசைக்கரண்டி காபி பொடி, 1 கப் கண்டிஷனர் மற்றும் ஒரு சிறிய கலவை பாத்திரம். இவை கலந்து, வெறும் ஷாம்புவில் அலசிய ஈரமான தலைமுடியில் தடவ வேண்டும். தலைமுடியை பிரித்து, காபி கலவையை வேர் முதல் நுனி வரை தடவிய பிறகு, ஷவர் கேப்பில் மூடி 30 நிமிடங்கள் ஊறவிட்டு வெறும் தண்ணீரில் அலச வேண்டும்.
இந்த ஹேர் கலர் முறை வாரத்திற்கு ஒரு முறை செய்தால் நல்ல பலன்கள் கிடைக்கும். முதலில் ஒரு சிறிய பகுதியைச் சோதித்து அலர்ஜி இருக்கிறதா என பார்த்துக்கொள்ள வேண்டும். காபி கலவை ஆடைகளில் படிந்தால் மாசு ஏற்படலாம் என்பதால், பழைய துணியை பயன்படுத்தி பாதுகாப்பாக மேற்கொள்ளலாம். அதிகமா பயன்படுத்துவதால் தலைமுடியில் வறட்சி ஏற்படலாம் என்பதால் கண்டிஷனர் பாவனை தவறாமல் செய்ய வேண்டும்.
இது தற்காலிக கலரிங் முறை என்பதால் உடனடி மாற்றத்தை எதிர்பார்க்கக்கூடாது. தொடர்ந்து பின்பற்றும் பொழுது மட்டுமே, நரைமுடி சிக்கலுக்கு ஒரு இயற்கையான தீர்வு கிடைக்கும். சென்சிடிவ் சருமம் கொண்டவர்கள் முன்பு சோதித்து பார்த்தல் பாதுகாப்பானது. இயற்கையுடன் செல்ல விரும்புவோருக்கு இந்த காபி ஹேர் டை ஒரு சிறந்த, மலிவான, பக்க விளைவில்லாத விருப்பமாக இருக்கும்.
