அபுதாபி: ஏர் இந்தியாவின் போயிங் 787 விமான விபத்து குறித்த ஆரம்ப அறிக்கை வெளியிடப்பட்ட பின்னர் இந்த அறிவுறுத்தல் வந்துள்ளது. இது தொடர்பாக எடிஹாட் ஏர்வேஸ் தனது விமானிகளுக்கு வழங்கிய அறிவுறுத்தலில், “போயிங் 787 விமானங்களின் எரிபொருள் கட்டுப்பாட்டு சுவிட்சுகளை இயக்கும்போது எச்சரிக்கையாக இருக்க வேண்டும். மேலும், இந்த சுவிட்சுகளின் செயல்பாட்டை ஆராய வேண்டும். எரிபொருள் கட்டுப்பாட்டு சுவிட்சுகளுக்கு அருகில் வேறு ஏதேனும் சுவிட்சுகளை இயக்கும்போது எச்சரிக்கையாக இருக்க வேண்டும்.
கவனக்குறைவான செயல்பாட்டிற்கு வழிவகுக்கும் எந்தவொரு பொருளும் தவிர்க்கப்பட வேண்டும். ஏதேனும் முரண்பாடுகள் இருந்தால் உடனடியாகத் தெரிவிக்கப்பட வேண்டும்” என்று கூறப்பட்டுள்ளது. கடந்த மாதம் 12-ம் தேதி குஜராத்தின் அகமதாபாத்தில் இருந்து லண்டனுக்குப் புறப்பட்ட ஏர் இந்தியா போயிங் ட்ரீம்லைனர் விமானம் சில நொடிகளில் விபத்துக்குள்ளானது. இந்த பயங்கர விபத்தில், விமானத்தில் இருந்த 241 பேர் உட்பட மொத்தம் 270 பேர் இறந்தனர்.
ஒரு பயணி மட்டுமே உயிர் பிழைத்தார். விமானத்தின் கருப்புப் பெட்டியிலிருந்து பெறப்பட்ட தரவுகளின் பகுப்பாய்வு மற்றும் விமானிகளுக்கு இடையிலான உரையாடல்களின் பதிவுகளின் அடிப்படையில், விமான விபத்துகள் புலனாய்வுப் பிரிவு (AAIB) 15 பக்க முதற்கட்ட அறிக்கையை 12-ம் தேதி வெளியிட்டது. அதில், “கடந்த மாதம் 12-ம் தேதி அகமதாபாத்தில் இருந்து லண்டனுக்கு புறப்பட்ட ஏர் இந்தியா போயிங் ட்ரீம்லைனர் 787 விமானம், மணிக்கு 283 கிமீ வேகத்தில் ஓடுபாதையில் இருந்து புறப்பட்டது. 3 வினாடிகள் பறந்து மணிக்கு 333 கிமீ வேகத்தை எட்டிய பிறகு, விமானத்தின் இரண்டு என்ஜின்களான N-1 மற்றும் N-2 ஆகியவற்றின் எரிபொருள் சுவிட்சுகள் செயலிழந்து, ஒரு வினாடிக்குள் ஒன்றன் பின் ஒன்றாக ‘ஆஃப்’ ஆகி, இயந்திரம் தேவையான எரிபொருளைப் பெறுவதைத் தடுத்தன.
எரிபொருள் விநியோகம் திடீரென நின்றதால், இயந்திரத்திற்குள் சுழலும் விசிறியின் வேகம் குறைந்தது. இதன் காரணமாக, தனக்கு எந்த உந்துதலும் கிடைக்கவில்லை என்பதை உணர்ந்த ஒரு விமானி, அனைத்து சுவிட்சுகளும் ஒழுங்காக உள்ளதா என்று சோதித்தார். அந்த நேரத்தில், எரிபொருள் சுவிட்ச் ‘ஆஃப்’ செய்யப்பட்டுள்ளதைக் கண்டு அதிர்ச்சியடைந்த அவர், மற்றொரு விமானியிடம், ‘எரிபொருள் சுவிட்சுகளை ஏன் அணைத்தீர்கள்?’ என்று கேட்டார்.”
அவர் அதிர்ச்சியில், “நான் அவற்றை அணைக்கவில்லை” என்றார். இந்த சூழ்நிலையில், சுவிட்ச் அணைக்கப்பட்ட 10 வினாடிகளுக்குப் பிறகு, விமானம் முதல் எரிபொருள் இயந்திரம் மீண்டும் இயக்கப்பட்டது. அடுத்த 4 வினாடிகளில் வினாடிகளில், இரண்டாவது இயந்திரத்தின் எரிபொருள் சுவிட்ச் இயக்கப்பட்டது. இதனால் விமானத்தின் முதல் இயந்திரம் மீண்டும் இயக்கப்பட்டது. இரண்டாவது இயந்திரம் இயக்கத் தொடங்கிய நேரத்தில், 213.4 டன் எடையும் 54,200 கிலோ எரிபொருள் எடையும் கொண்ட விமானம், மீண்டும் புறப்படத் தேவையான உந்துதலைப் பெறவில்லை, கீழே இறங்கியது.
அடுத்த 9 வினாடிகளில், விமானி, “மே டே, மே டே, மே டே” என்று விமானப் போக்குவரத்துக் கட்டுப்பாட்டு அறைக்கு எச்சரித்தார். இதைத் தொடர்ந்து, விமானப் போக்குவரத்துக் கட்டுப்பாட்டு அறை அதிகாரி விமானியிடம் விவரங்களைக் கேட்டார். ஆனால் எந்த பதிலும் இல்லை. சிறிது நேரத்தில், விமானம் மருத்துவக் கல்லூரி விடுதிக் கட்டிடத்தில் மோதியது. விமானம் புறப்பட்ட 26 வினாடிகளுக்குள் எல்லாம் நடந்தது, விபத்து ஏற்பட்டது.
