சென்னை: நடிகர் கிங் காங் மகள் கீர்த்தனாவின் திருமணம் சமீபத்தில் வெகு விமரிசையாக நடைபெற்றது. கோலிவுட் நட்சத்திரங்கள் முதல் அரசியல் தலைவர்கள் வரை பலரும் இதில் கலந்துகொண்டு வாழ்த்தினர்.
திருமணத்துக்கு முன்னதாகவே நடிகர் பலரிடம் நேரில் சென்று பத்திரிகை கொடுத்த கிங் காங், பெங்களூருவில் நடிகர் சிவராஜ்குமாரிடம் நேரிலேயே அழைப்பிதழ் வழங்கியிருந்தார். இந்நிலையில், ஃபில்மிபீட் தமிழுக்கு அளித்த பிரத்யேக பேட்டியில் தனது வாழ்க்கை, தாயின் பங்கு மற்றும் மகளின் திருமண அனுபவங்களை உணர்வுடன் பகிர்ந்துள்ளார்.
திருமணம் சிம்ப்பிளாக நடந்ததாலும், கூட்டம் அதிகமாக இருக்கும் என்பதாலும் சிலர் நேரில் வரவில்லை என்றாலும், கிங் காங் அதை பெரிய விஷயமாக எடுத்துக் கொள்ளவில்லை. திருமண நிகழ்ச்சிக்குப் பிறகு நடிகர் சிவகார்த்திகேயன் நேரில் வந்து மணமக்களை வாழ்த்தியதையும் கிங் காங் மகிழ்ச்சியுடன் கூறினார்.
பேட்டியின் முக்கிய பாகமாக, தனது தாயாரைப் பற்றியும் அவரின் பாசத்தைப் பற்றியும் விவரித்தார். “நான் மாற்றுத்திறனாளியாக பிறந்தபோதும் என் அம்மா ஒருபோதும் என்னை ஒதுக்கவில்லை. எனக்காக அனைத்தையும் செய்தார். திருமணம் செய்ய வேண்டாம் என்ற எனக்கே, ‘நீ யாரையும் துணையாக வைத்துக் கொள்ளாமல் எப்படி வாழ்வாய்?’ என்று சமாதானம் சொல்லி, பெண் பார்த்து திருமணம் செய்து வைத்தார்,” என குறிப்பிட்டார்.
தனது பிறந்தநாளன்று (ஆகஸ்ட் 18) இரவு 12 மணிக்கு தாயார் வாழ்த்து சொன்னதை அடுத்து, சில மணி நேரத்திற்குள் அவர் காலமானதாகவும் கூறிய நடிகர், “அவர் ஆன்மாதான் இன்று நம்மை வழிநடத்துகிறது,” என உருக்கமாக கூறினார்.
மகளின் காதல் திருமணத்திற்கு முதல் முறையாக ‘ஓ’ சொல்லியவரும் அவரது தாயார்தான் என்றும், அந்த அனுமதியில்தான் மகளின் வாழ்கையை கட்டியெழுப்ப முடிந்தது என்றும் உணர்ச்சி சேர்த்துள்ளார்.
இந்த நேர்காணலில் கிங் காங் தனது குடும்பத்தின் உறவுகளைப் பற்றியும், ஒரு அப்பாவாகக் கொண்ட பெருமையையும் மிக அழுத்தமாக எடுத்துரைத்துள்ளார்.
