சென்னை: சென்னை மாவட்ட அளவிலான கற்றல் விளைவுத் தேர்வு (SLAS) முடிவுகள் தொடர்பாக தலைமை ஆசிரியர்களுடனான ஆய்வுக் கூட்டம் நேற்று புரசைவாக்கத்தில் நடைபெற்றது. கூட்டத்தில் பேசிய கல்வி அமைச்சர் அன்பில் மகேஷ் கூறியதாவது:-
தமிழ்நாட்டின் 16-வது மாவட்டமான சென்னையில் தலைமை ஆசிரியர்களைச் சந்தித்து அவர்களிடம் கருத்து கேட்டுள்ளேன். நமது மாநிலத்தின் பிற மாவட்டங்களில் தனியார் பள்ளிகளின் எண்ணிக்கை குறைவாக உள்ளது. இருப்பினும், சென்னையில் தனியார் பள்ளிகள் அதிகம். சென்னையில் வசிக்கும் பெற்றோர்கள் கடன் வாங்கியாவது தங்கள் குழந்தைகளை தனியார் பள்ளிகளில் சேர்த்துவிடலாம் என்ற எண்ணம் உள்ளது.
தனியார் பள்ளிகளுக்குச் செல்ல முடியாதவர்கள்தான் அரசுப் பள்ளிகளைத் தேடுகிறார்கள். அதைப் புரிந்துகொண்டு அவர்களுக்குக் கல்வியை வழங்க வேண்டும். தமிழகத்தில் உள்ள பள்ளிகளில் பல்வேறு புதிய தொழில்நுட்பங்கள் அறிமுகப்படுத்தப்பட்டு வருகின்றன.
பள்ளிகளில் பாடங்களை மட்டுமல்ல, வாழ்க்கைக்கான மதிப்புகளையும் ஆசிரியர்கள் கற்பிக்க வேண்டும். அரசுப் பள்ளிகளில் கல்வியின் தரம் மிகவும் முக்கியமானது. அவை தொடர்ந்து மேம்படுத்தப்பட வேண்டும். அரசுப் பள்ளிகளில் 4 லட்சம் மாணவர்கள் சேர்க்கப்பட்டதற்கு முதல்வர் ஸ்டாலின் வாழ்த்து தெரிவித்தார். இவ்வாறு அவர் கூறினார்.
