தூத்துக்குடி: தூத்துக்குடி மாவட்ட திமுக சார்பில் தமிழகத்திற்கு பட்ஜெட்டில் நிதி ஒதுக்கவில்லை என கூறி மத்திய அரசை கண்டித்து நேற்று ஆர்ப்பாட்டம் நடந்தது. கனிமொழி எம்.பி கூறியதாவது:
மத்திய அரசு தாக்கல் செய்துள்ள பட்ஜெட் ஒட்டுமொத்த இந்தியாவுக்கானது அல்ல. அவர்கள் இரு மாநிலங்களுக்கு மட்டுமே அறிவித்துள்ளனர். இது ஒரு மாநிலத்தின் பட்ஜெட் போன்றது, மாநில உரிமைகள், மாநில வரிகளை தொடர்ந்து பறித்துக்கொண்டு, மாநிலங்களுக்கு உரிய நிதியை வழங்காமல், மாநிலத்தை எப்படி நிர்வகிக்க முடியும்.
மக்களுக்கு தேவையான சாலை வசதி உள்ளிட்ட அடிப்படை வசதிகளை எப்படி நிவர்த்தி செய்வது என்று தெரியவில்லை. அவர்களின் ஆட்சியை காப்பாற்ற மத்திய அரசு முயற்சிக்கிறது.
ஆதரவளிக்காத மக்களை ஏமாற்றும் அரசாக மத்திய பாஜக அரசு செயல்படுகிறது. மத்திய அரசு கடந்த ஆண்டை விட குறைவான நிதியே ஒதுக்கியுள்ளது. கிராமப்புறங்களில் உள்ள சாமானிய மக்களை ஏமாற்றக்கூடிய பட்ஜெட். மத்திய பட்ஜெட் பெரும் கார்ப்பரேட் நிறுவனங்களுக்கானது மற்றும் பாதுகாக்கிறது. பணக்கார முதலாளிகளை வளர்க்கும் திட்டங்கள் மட்டுமே உள்ளன.
பாஜக மற்றும் அரசின் பட்ஜெட் மக்கள் விரோத பட்ஜெட். தமிழக மக்களுக்கும், நல்லாட்சிக்கும் எதிரான இந்த மத்திய பாஜக அரசை விரைவில் அகற்றுவோம். அது விரைவில் நடக்கும். ஏழை மக்களுக்காக பட்ஜெட் போடும் அரசு அமைய வேண்டும். அதற்கான ஆட்சியை விரைவில் அமைத்து காட்ட வேண்டும்.
இவ்வாறு அவர் பேசினார்.
மத்திய அரசை கண்டித்து தூத்துக்குடி போன்று தமிழகத்திலும் திமுக போராட்டம் நடத்தியது.
