செப்டம்பர் 21, 2025: பிரதமர் நரேந்திர மோடி இன்று நாட்டிற்கு உரையாற்றி, ஜிஎஸ்டி சீர்திருத்தத்தின் முக்கிய தகவல்களை பகிர்ந்தார். அவர் குறிப்பிட்டதாவது, அனைத்து மாநிலங்களும் வளர்ச்சியை நோக்கி வேகமாக செல்ல வேண்டும். பல்வேறு பெயர்களில் உள்ள மறைமுக வரிகள் மூலம் ஏற்பட்ட சிக்கல்கள் ஜிஎஸ்டியால் அகற்றப்பட்டுள்ளன. இதன் மூலம் ஏழை மக்களுக்கு நன்மை கிடைக்கும் என்றும், 25 கோடி பேரை நடுத்தர வர்க்கமாக மாற்றியுள்ளோம் என்றும் அவர் கூறினார்.
ஜிஎஸ்டி 2.0 அமல்படுத்தப்பட்டு, இனி 8% முதல் 18% வரை உள்ள வரி விகிதங்கள் எளிமையாகி, முக்கியமான உணவு, மருந்துகள் மற்றும் வீட்டு உபயோக பொருட்கள் விலை குறையும். பிரதமர் மோடி மக்கள் தங்கள் அன்றாட வாழ்க்கையில் உள்நாட்டு தயாரிப்புகளை அதிகம் பயன்படுத்த வேண்டும், வெளிநாட்டு பொருட்களை குறைத்து இந்தியாவில் தயாரிக்கப்பட்ட பொருட்களை முன்னிலைப்படுத்த வேண்டும் என வலியுறுத்தினார்.
முன்னதாக ஜிஎஸ்டி விகிதங்கள் 5%, 12%, 18%, 28% என நான்கு அடுக்குகளாக இருந்தது. தற்போது, மத்திய அரசு அதை இரண்டு மட்டங்காக குறைத்துள்ளது: 5% மற்றும் 18%. இதனால் 12% வரியில் இருந்த சுமார் 99% பொருட்கள் இனி 5% விகிதத்தில் வருவதாகும், மேலும் 28% விகிதத்தில் இருந்த சுமார் 90% பொருட்கள் 18% ஆகக் குறைக்கப்படுகின்றன. இது பொதுமக்களுக்கு அத்தியாவசிய பொருட்கள் முதல் மின்சாதனங்கள், வாகனங்கள் வரை விலைக் குறைவு ஏற்படும் வாய்ப்பை வழங்குகிறது.
இந்த மாற்றம் வர்த்தகர்களின் செயல்முறைகளையும் எளிதாக்கி, வரி சுமையை குறைப்பதன் மூலம் பொருளாதார வளர்ச்சியை ஊக்குவிக்கும் என அரசு நம்புகிறது. நாளை முதல் ஜிஎஸ்டி சீர்திருத்தம் அமலுக்கு வந்து பொதுமக்களின் செலவைக் குறைத்து, பொருளாதாரத்தை புத்துயிர்ப்பிக்கும் என எதிர்பார்க்கப்படுகிறது.
