சென்னை: நாம் தமிழர் கட்சியின் தலைமை ஒருங்கிணைப்பாளர் சீமானுக்கும் ஐபிஎஸ் அதிகாரி வருண்குமாருக்கும் இடையே சமீபத்தில் மோதல் ஏற்பட்டது. இருவரும் ஒருவருக்கொருவர் கருத்துகளைப் பரிமாறிக் கொண்டிருந்தனர். இது தொடர்பான வழக்கு திருச்சி நீதிமன்றத்தில் நிலுவையில் உள்ளது.
இந்த சூழ்நிலையில், சீமான் தனக்கு எதிராக ஆதாரமின்றி பகிரங்கமாக அவதூறான கருத்துகளைப் தெரிவித்தது அவரது நற்பெயருக்கு களங்கம் விளைவித்ததால், சீமான் எதிர்காலத்தில் தனக்கு எதிராக அவதூறான மற்றும் ஆதாரமற்ற கருத்துக்களை வெளியிட தடை விதிக்கக் கோரி ஐபிஎஸ் அதிகாரி வருண்குமார் சென்னை உயர்நீதிமன்றத்தில் வழக்கு தொடர்ந்துள்ளார்.
மேலும், மனுவில், ரூ.2 கோடியே 10 லட்சம் இழப்பீடும் கோரியுள்ளார். இந்த வழக்கை விசாரித்த சென்னை உயர் நீதிமன்றம், வருண்குமாருக்கு எதிராக சீமான் பேசுவதற்கு இடைக்காலத் தடை விதித்து உத்தரவிட்டது. மேலும், மனுவுக்கு பதிலளிக்க உத்தரவிட்டு விசாரணை ஒத்திவைக்கப்பட்டது.
இந்த நிலையில், இன்று மீண்டும் வழக்கு விசாரணைக்கு வந்தபோது, சீமான் பதில் மனு தாக்கல் செய்யாததால், வழக்கை அடுத்த மாதம் 15-ம் தேதிக்கு நீதிபதி ஒத்திவைத்தார்.
