சிம்பு நடித்த அடுத்த படமான எஸ்டிஆர் 49 குறித்து கோலிவுட் வட்டாரத்தில் மிகப்பெரிய எதிர்பார்ப்பு நிலவுகிறது. வடசென்னை படத்தில் இணையாமல் தவறியிருந்த வெற்றிமாறன், இப்போது சிம்புவுடன் கைகோர்த்து இந்த படத்தை இயக்கவுள்ளார். இதற்கான ப்ரொமோ வீடியோ அக்டோபர் 4 ஆம் தேதி வெளியாகவுள்ளதாக அதிகாரப்பூர்வ அறிவிப்பு வெளியிடப்பட்டுள்ளது. இதனால் ரசிகர்கள் பெரும் உற்சாகத்தில் காத்திருக்கின்றனர்.
சமீபத்தில் சிம்புவின் புதிய லுக்கில் வந்த புகைப்படம் சமூக வலைத்தளங்களில் வைரலாகியுள்ளது. நீண்ட தலைமுடி, தாடியுடன் இருந்த அவர், தற்போது தாடி ட்ரிம்மும் குறுகிய தலைமுடியுடனும் புதிதாக மாறியுள்ளார். இந்த தோற்றம் மிக கவர்ச்சியாகவும், அதேசமயம் மாஸாகவும் ரசிகர்களால் வரவேற்கப்பட்டுள்ளது. இப்படத்தில் சிம்பு இரண்டு விதமான தோற்றங்களில், இளம் வயது மற்றும் நடுத்தர வயது கதாபாத்திரங்களில் நடிப்பார் என தகவல்கள் தெரிவிக்கின்றன.
எஸ்டிஆர் 49 படத்தின் கதை வடசென்னை படத்தின் காலக்கட்டத்தில் அமைந்துள்ளது என கூறப்படுகிறது. இந்த படத்தில் அமீர், ஆண்ட்ரியா, சமுத்திரக்கனி, கிஷோர் உள்ளிட்ட பலரும் நடிக்கவுள்ளனர். மேலும் இப்படம் இரண்டு பாகங்களாக வெளிவர வாய்ப்புள்ளது என்றும் தகவல்கள் வெளியாகி ரசிகர்களின் ஆர்வத்தை அதிகரித்துள்ளது. ப்ரொமோ வீடியோவில் சிம்புவின் தோற்றம் முழுமையாக வெளிப்படும் என எதிர்பார்க்கப்படுகிறது.
2027 ஆம் ஆண்டு வெளியாகும் என கணிக்கப்பட்டுள்ள இந்த படத்தை தொடர்ந்து, வெற்றிமாறன் தனுஷ் நடிக்கும் வடசென்னை 2 படத்தை இயக்கத் திட்டமிட்டுள்ளார். இந்நிலையில் சிம்புவின் எஸ்டிஆர் 49 படம் வெற்றிமாறன் பாணியிலும், சிம்புவின் ஸ்டைலிலும் ரசிகர்களுக்கு இரட்டிப்பு உற்சாகத்தை கொடுக்கும் என எதிர்பார்க்கப்படுகிறது. ரசிகர்கள் “சிம்பு இனி கலக்க போகிறார்” என்ற ஆவலுடன் காத்திருக்கின்றனர்.
