கீவ் அருகே உள்ள சுமி பகுதியில் உள்ள ரயில் நிலையத்தில் ரஷ்யா நடத்திய ட்ரோன் தாக்குதலில், கீவ் நோக்கி சென்ற பயணிகள் ரயில் மீது தாக்குதல் நடத்தப்பட்டது. இதில் குறைந்தது 30 பேர் படுகாயம் அடைந்ததாக தகவல் வெளியாகியுள்ளது.
தாக்குதலுக்குப் பிறகு, ரயிலின் பல வண்டிகளில் தீ பரவியது. சம்பவ இடத்திற்கு உடனடியாக மீட்பு படையினர் விரைந்தனர். காயமடைந்தவர்களுக்கு மருத்துவ சிகிச்சை அளிக்கப்படுவதாகவும், தேவையான அனைத்து வசதிகளும் செய்து கொடுக்கப்பட்டுள்ளதாகவும் உக்ரைன் அதிகாரிகள் தெரிவித்துள்ளனர்.
உக்ரைன் அதிபர் வொலோடிமிர் ஜெலன்ஸ்கி தனது சமூக வலைதளப் பதிவில், “இது ஒரு பயங்கரவாத செயல். ரஷ்யா ஒவ்வொரு நாளும் எங்களது மக்களை குறிவைத்து தாக்குகிறது. பொதுமக்களின் உயிரைப் பறிக்கும் இந்த நடவடிக்கைகள் காட்டுமிராண்டித்தனமானவை. இதற்கு சர்வதேச அளவில் வலுவான பதில் தேவைப்படுகிறது” என கண்டனம் தெரிவித்துள்ளார்.
இத்தாக்குதலுக்குப் பின், சர்வதேச சமூகம் ரஷ்யாவுக்கு எதிராக கூடுதல் நடவடிக்கை எடுக்க வேண்டுமா என்ற கேள்வி மீண்டும் எழுந்துள்ளது. பொதுமக்களை குறிவைத்து நடத்தப்படும் தாக்குதல்கள் போர் சூழ்நிலையை மேலும் தீவிரப்படுத்தும் அபாயம் நிலவுகிறது.
