இயக்குநர் த.செ.ஞானவேல் இயக்கத்தில் ரஜினி நடிக்கும் ‘வேட்டையன்’ திரைப்படம் அக்டோபர் மாதம் வெளியாகும் என படக்குழு அதிகாரபூர்வமாக அறிவித்துள்ளது. இப்படத்தில் ரஜினியுடன் அமிதாப் பச்சன், ஃபகத் பாசில், ராணா, துஷாரா விஜயன் மற்றும் ரித்திகா சிங் ஆகியோர் முக்கிய கதாபாத்திரங்களில் நடித்துள்ளனர். துஷாரா விஜயன் மற்றும் ரித்திகா சிங் ‘வேட்டையன்’ திரைப்படத்தின் டப்பிங் பணிகளை தொடங்கிவிட்டனர் என்று படத்தின் தயாரிப்பு நிறுவனம் லைகா அறிவித்துள்ளது.
விஜய் நடித்த ‘தி கிரேட்டஸ்ட் ஆஃப் ஆல் டைம்’ திரைப்படம் அடுத்த மாதம் 5-ம் தேதி வெளியாகுகிறது. சமீபத்தில் டீ ஏஜிங் தொழில்நுட்பத்தால் உருவாக்கப்பட்ட விஜய்யின் லுக்குடன் ‘ஸ்பார்க்’ பாடல் வெளியானது. 2004-ல் ரஷ்யாவின் மாஸ்கோ நகரத்தில் நிகழ்ந்த தற்கொலை குண்டு வெடிப்பு சம்பவத்தை மையமாகக் கொண்டு உருவாக்கப்பட்டுள்ளது. இப்படம் எபிக் மற்றும் ஐமேக்ஸ் ஸ்கிரீன்களில் வெளியாகும் என படக்குழு அறிவித்துள்ளது.
ஆந்திரா மாநிலத்தின் துணை முதல்வராகப் பதவியேற்ற பிறகு, பவன் கல்யாண் நடிக்கும் ‘ஹரி ஹர வீர மல்லு’ திரைப்படம் பிஸியாக உள்ள நிலையில், இத்திரைப்படத்தில் பாலிவுட் நடிகரான அனுபம் கெரும் முக்கிய கதாபாத்திரத்தில் நடிக்க ஒப்பந்தமாகியிருக்கிறார். இத்திரைப்படத்தை கிரிஸ் ஜகர்லமுடி இயக்குவதுடன், ஜோதி கிருஷ்ணா டைரக்ஷன் பணிகளையும் மேற்கொள்கிறார்.
ஆர்யா நடிக்கும் ‘மிஸ்டர் எக்ஸ்’ திரைப்படம் ரிலிஸுக்குத் தயாராகி வருகிறது. ‘சார்பட்டா பரம்பரை’ திரைப்படத்தின் இரண்டாம் பாகத்திலும் மற்றும் ‘டிடி ரிட்டன்ஸ்’ படத்தின் இரண்டாம் பாகத்திலும் நடிக்கவிருக்கிறார். இவர் தற்போது ஜியேன் கிருஷ்ணகுமார் இயக்கும் புதிய படத்தில் நடிக்கவிருக்கிறார்.
இயக்குநர் விக்னேஷ் கார்த்திக் இயக்கத்தில் ‘ஹாட் ஸ்பாட்’ திரைப்படம் கடந்த மார்ச் மாதம் வெளியானது. இதன் இரண்டாம் பாகத்தை எடுக்க படக்குழு தயாராகியிருக்கிறது. விக்னேஷ் கார்த்திக் சமீபத்தில் நடிகை பிரிகிடாவுடன் மணக்கோலத்தில் இருக்கும் புகைப்படத்தை வெளியிட்டார். இது அவரது அடுத்த திரைப்படத்தின் புரொமோஷன் என்கிறார்கள்.
