தென்காசி : செங்கோட்டையில் ஆசிரியர்களை கண்டித்ததை கண்டித்து செங்கோட்டை அரசு பள்ளி மாணவிகள் வகுப்பை புறக்கணித்து போராட்டத்தில் ஈடுபட்டனர். தென்காசி மாவட்டம் செங்கோட்டையில் எஸ்ஆர்எம் அரசு பெண்கள் மேல்நிலைப் பள்ளி உள்ளது. இப்பள்ளியில் பிளஸ் 2 கம்ப்யூட்டர் சயின்ஸ் படிக்கும் மாணவி ஒருவர் கடந்த வெள்ளிக்கிழமை வகுப்பறைக்கு சென்ட் பாட்டிலை எடுத்துச் சென்றார்.
அப்போது, சென்ட் பாட்டில் கீழே விழுந்து உடைந்தது. இதில் ஏற்பட்ட அதிர்ச்சியில் 10க்கும் மேற்பட்ட மாணவர்கள் மயங்கி விழுந்தனர். அவர்கள் மருத்துவமனையில் அனுமதிக்கப்பட்டனர். 7 பேர் மேல் சிகிச்சைக்காக தென்காசி அரசு மருத்துவமனையில் அனுமதிக்கப்பட்டு சிகிச்சை பெற்று வீடு திரும்பினர். இந்நிலையில், செங்கோட்டை அரசு பெண்கள் மேல்நிலைப் பள்ளியில் பிளஸ் 2 படிக்கும் நூற்றுக்கும் மேற்பட்ட மாணவிகள் இன்று வகுப்புகளைப் புறக்கணித்து மசூதி முன் தரையில் அமர்ந்தனர்.
தகவல் அறிந்த செங்கோட்டை போலீசார் மற்றும் வருவாய் துறை அதிகாரிகள் விரைந்து வந்து மாணவர்களிடம் பேச்சுவார்த்தை நடத்தினர். மருத்துவமனைக்குச் சென்ற மாணவர்களைப் பார்க்கச் சென்ற தலைமையாசிரியர் உள்ளிட்ட சில ஆசிரியர்கள், பள்ளிக்கு போதைப் பொருள் கொண்டு வந்தீர்களா என்று மாணவர்களைக் கண்டித்ததால், அந்த ஆசிரியர்கள் மீது நடவடிக்கை எடுக்க வேண்டும் என மாணவர்கள் தெரிவித்தனர்.
போராட்டத்தில் ஈடுபட்ட மாணவர்களுக்கு ஆதரவாக மாதர் சங்க நிர்வாகிகளும் கலந்து கொண்டனர். இதுகுறித்து விசாரணை நடத்தி உரிய நடவடிக்கை எடுப்பதாக அதிகாரிகள் கூறியதையடுத்து, மாணவர்கள் மறியலை கைவிட்டனர். இதற்கிடையில், பள்ளி தலைமை ஆசிரியருக்கும், சில ஆசிரியர்களுக்கும் இடையே ஏற்பட்ட கருத்து வேறுபாடு காரணமாக, மாணவர்களை தூண்டிவிட்டு போராட்டத்தில் ஈடுபட வைத்ததாக ஒரு செய்தி பரவி வருகிறது.
