மும்பை: மறைந்த நடிகை ஸ்ரீதேவியின் வாழ்க்கை வரலாறு புத்தகத்தின் அட்டைப்படத்தை நடிகை பிரியங்கா சோப்ரா வெளியிட்டுள்ளார்.
‘எம்பிரஸ்: தி டெபனிட்டிவ் பயோகிராபி ஆஃப் ஸ்ரீதேவி’ என்ற பெயரில் உருவாகியுள்ள இந்தப் புத்தகத்தை தீரஜ் யு. குமார் எழுதியுள்ளார். வெஸ்ட்லேண்ட் புக்ஸ் பதிப்பித்துள்ளது.
ஸ்ரீதேவியின் குழந்தைப் பருவம் முதல் இந்தியாவின் முன்னணி பான்-இந்திய நடிகையாக உயர்ந்தது வரையிலான அவரது சுமார் ஐம்பது ஆண்டுகால திரைப்பயணம் இதில் இடம்பெற்றுள்ளதாக தெரிவிக்கப்பட்டுள்ளது.
150-க்கும் மேற்பட்ட அரிய புகைப்படங்களும், அமிதாப் பச்சன், ஜாவேத் அக்தர் உள்ளிட்ட முக்கிய திரைக்கலைஞர்களின் தகவல்களும் புத்தகத்தில் இடம்பெற்றுள்ளன.
