சென்னை: இயக்குநர் மணிரத்னம் இயக்கத்தில் விஜய் சேதுபதி, சாய் பல்லவி நடிக்கும் புதிய திரைப்படமான இஞ்சி வெல்லம் படப்பிடிப்பு முழுமையாக நிறைவடைந்துள்ளது. குறுகிய காலத்தில் படப்பிடிப்பை முடித்திருப்பது திரையுலகில் கவனத்தை ஈர்த்துள்ளது.
கொல்கத்தாவைப் பின்னணியாகக் கொண்டு உருவாகும் இந்தப் படம் காதல் கதையை மையமாகக் கொண்டுள்ளது. படப்பிடிப்பு கடந்த ஜூலை 23ஆம் தேதி தொடங்கிய நிலையில், மூன்று மாதங்களுக்கும் குறைவான காலத்தில் படப்பிடிப்பை மணிரத்னம் நிறைவு செய்துள்ளார்.
மெட்ராஸ் டாக்கீஸ், லைகா புரொடக்ஷன்ஸ் மற்றும் இந்திய டாக்கீஸ் நிறுவனங்கள் இணைந்து இப்படத்தைத் தயாரிக்கின்றன. ஏ.ஆர். ரஹ்மான் இசையமைக்கிறார். விஜய் சேதுபதி மற்றும் சாய் பல்லவி இணைந்து நடிப்பதால் இப்படத்தின் மீதான எதிர்பார்ப்பு அதிகரித்துள்ளது.
தற்போது படத்தின் அடுத்தகட்டப் பணிகள் நடைபெற உள்ளன. இப்படம் 2027 பொங்கல் பண்டிகையை முன்னிட்டு வெளியாகும் என அறிவிக்கப்பட்டுள்ளது. மணிரத்னத்தின் இயக்கம், ரஹ்மானின் இசை, முன்னணி நடிகர்களின் கூட்டணி ஆகியவை படத்துக்கு முக்கிய பலமாக இருக்கும் என எதிர்பார்க்கப்படுகிறது.
