மரப்பட்டறையில் ஏற்பட்ட தீவிபத்தில் சிக்கி 4 வயது சிறுவன் பலி

காஞ்சிபுரம்: காஞ்சிபுரத்தில் மரப்பட்டறையில் ஏற்பட்ட தீ விபத்தில் சிக்கிய 4 வயது சிறுவன் பலியான சம்பவம் பெரும் சோகத்தை ஏற்படுத்தி உள்ளது.

காஞ்சிபுரம் தாயார் அம்மன் குளம் பகுதியில் மரப்பட்டறையில் ஏற்பட்ட தீ விபத்தில் சிக்கி கீழ்ப்பாக்கம் அரசு மருத்துவமனையில் சிகிச்சை பெற்று வந்த 4 வயது சிறுவன் சிகிச்சைப் பலனின்றி உயிரிழந்தான்.

முரளி என்பவருக்குச் சொந்தமான அந்த பட்டறையில் நேற்று மரத்தூளை பைகளில் அடைக்கும் பணியின்போது தீ விபத்து நேரிட்டது. இதில் ராஜ்பவன் என்ற ஒடிஷா மாநிலத் தொழிலாளியும் அங்கு விளையாடிக் கொண்டிருந்த அவரது 4 வயது மகன் அங்கித்தும் படுகாயமடைந்தனர்.

இதில் 50 விழுக்காடு தீக்காயங்களுடன் சிகிச்சை பெற்று வந்த அங்கித் பரிதாபமாக உயிரிழந்தான்.