சென்னையில் நடைபெறவுள்ள ‘ஃபார்முலா 4’ கார் பந்தயம் குறித்து நடிகர்கள் தங்களது கருத்துக்களை பகிர்ந்து வருகின்றனர். சென்னையில் நாளை மற்றும் நாளை மறுநாள் நடைபெறும் இந்த கார் பந்தயம், பல எதிர்ப்புகளை மீறி தமிழ்நாடு விளையாட்டு மேம்பாட்டு ஆணையத்தின் முயற்சியால் நடைபெற உள்ளது.
.jpg?format=webp&w=1024&dpr=1)
நடிகர் தனுஷ் தனது X இணையதளத்தில், “இந்தியாவின் முதல் ஸ்ட்ரீட் நைட் ஃபார்முலா 4 கார் பந்தயம் சென்னையில் நடைபெறுவது மகிழ்ச்சி அளிக்கிறது. இது சென்னையின் பெருமையை உயர்த்தும் மற்றும் முக்கிய விளையாட்டு நிகழ்வுகளில் இந்தியாவின் முன்னேற்றத்திற்கு வழிவகுக்கும்” என்று பதிவிட்டுள்ளார்.
அதேபோல் நடிகர் கார்த்தி, “நம்முடைய சென்னையில் ஃபார்முலா 4 கார் பந்தயம் நடைபெறுவது பெருமைக்குரியது. விளையாட்டில் தைரியமும், திறமையும், துடிப்பான இளமையும் உள்ளது. இது நமது சென்னைக்கு மிகவும் பொருத்தமானது” என்றார்.
நடிகர்கள் தங்கள் பதிவுகளில், நடிகர்கள் உதயநிதி ஸ்டாலினைப் பாராட்டி, “இந்த துணிச்சலான முயற்சியால் தமிழகத்தில் மோட்டார் விளையாட்டுகளை முன்னேற்றுவதற்கு நன்றி” என்று கூறியுள்ளனர்.
இந்த பந்தயத்தின் மூலம் சென்னையின் விளையாட்டு வரலாறு மேலும் உயரும் என பலரும் மகிழ்ச்சி தெரிவித்துள்ளனர்.
