மலையாள நடிகர் டோவினோ தாமஸ் தமிழில் ‘மாரி 2’ படத்தில் நடித்தார். அவர் நடித்த ‘மின்னல் முரளி’ தமிழிலும் வெளியானது.
இந்நிலையில் மீண்டும் பான் இந்தியா படத்தில் நடித்துள்ளார். ‘ஏஆர்எம்’ என பெயரிடப்பட்டுள்ள இப்படத்தை அறிமுக இயக்குனர் ஜிதின் லால் இயக்கியுள்ளார். மேஜிக் பிரேம்ஸ் மற்றும் யுஜிஎம் மோஷன் பிக்சர்ஸ் மூலம் லிஸ்டின் ஸ்டீபன், டாக்டர். ஜகாரியா தாமஸுடன் இணைந்து தயாரித்தார்.
ஃபேண்டஸி படம், இது 3-டியில் உருவாக்கப்பட்டுள்ளது. இதில், டோவினா தாமஸ் மூன்று விதமான கேரக்டர்களில் தோன்றுகிறார். இவரது 50-வது படமான இதில் கீர்த்தி ஷெட்டி, ஐஸ்வர்யா ராஜேஷ், சுரபி லட்சுமி ஆகியோர் கதாநாயகிகளாக நடித்துள்ளனர்.
பாசில் ஜோசப், ஜெகதீஷ், ஹரிஷ் உத்தமன், ஹரிஷ் பெரேடி, பிரமோத் ஷெட்டி, ரோகினி உள்ளிட்ட பலர் நடித்துள்ளனர்.
திபு நிணன் தாமஸ் இசையமைத்துள்ளார். இப்படம் மலையாளம், தமிழ், இந்தி, ஆங்கிலம், தெலுங்கு மற்றும் கன்னடம் ஆகிய 6 மொழிகளில் செப்டம்பர் 12-ம் தேதி வெளியாகிறது.
