சிக்கிம் மாநிலம் பாக்யோங் மாவட்டத்தில் வியாழக்கிழமை நடந்த சாலை விபத்தில் 4 ராணுவ வீரர்கள் உயிரிழந்தனர். மேற்கு வங்காளத்தில் உள்ள பின்னகுரியில் இருந்து இராணுவத்தின் EMC பணியாளர்களை ஏற்றிச் சென்ற வாகனம், வெர்டிக் பிர் என்ற இடத்தில் ரெனாக்-ரோங்லி நெடுஞ்சாலையில் சாலையை விட்டு விலகி கீழே உள்ள காட்டுக்குள் விழுந்தது.
இந்த விபத்தில் 4 ராணுவ வீரர்கள் சம்பவ இடத்திலேயே உயிரிழந்தனர். இறந்தவர்கள் மத்தியப் பிரதேசத்தைச் சேர்ந்த சிப்பாய் பிரதீப் படேல், இம்பாலில் வசிக்கும் சிஎஃப்என் டபிள்யூ பீட்டர், ஹரியானாவைச் சேர்ந்த நாயக் குர்சேவ் சிங் மற்றும் தமிழ்நாட்டைச் சேர்ந்த சுபேதார் கே தங்கபாண்டி என அடையாளம் காணப்பட்டுள்ளனர்.
விபத்துக்கான காரணம் இதுவரை கண்டறியப்படாத நிலையில், விசாரணைகள் இடம்பெற்று வருவதாகவும், உயிரிழந்த இராணுவத்தினரின் சடலங்கள் இராணுவத்திடம் ஒப்படைக்கப்பட்டுள்ளதாகவும் போலிஸார் தெரிவித்தனர்.
