அஜித் ரசிகர்கள் ஏஜிஎஸ் நிறுவனத்தை “தரம்கேட்ட ஏஜிஎஸ்” என ட்ரெண்ட் செய்கிறார்கள். கோட் படம் வெளியான நிலையில், படத்தின் பெரும்பாலான ரசிகர்கள் வசூலை பாராட்டி வருகின்றனர். விஜய், அஜித் படங்கள் வெளியான போதெல்லாம் வலைதளங்களில் இரு தரப்பு ரசிகர்களிடையே வெறுப்பும் விமர்சனங்களும் எழுவது வழக்கம்.
எனினும், இந்த முறை அஜித் ரசிகர்கள் கோட் படத்திற்கு எதிர்ப்பு தெரிவிக்கவில்லை. இது விநோதமாக அமைந்ததற்கு முக்கிய காரணம், அஜித்துக்கு மாஸ் ஹிட் படமாக மங்காத்தாவை கொடுத்த வெங்கட் பிரபு, கோட் படத்தை இயக்கியதும், அஜித்தின் பெருமையை பேசும் காட்சி ஒன்று படத்தில் இடம் பெற்றிருப்பதும் ஆகும். இதனால் கோட் படம், அஜித் ரசிகர்களுக்கும் ஒரு ட்ரீட் ஆகவே அமைந்தது.
இந்நிலையில், ஏஜிஎஸ் நிறுவனம் தனது ட்விட்டர் பக்கத்தில் கோட் படம் தொடர்பான மீம்ஸ்களுக்கு லைக் செய்ததோடு, படத்தில் அஜித்தை விமர்சிக்கும் மீம்ஸையும் ரீபோஸ்ட் செய்ததால், அஜித் ரசிகர்கள் கடும் கோபத்துடன் “தரம்கேட்ட ஏஜிஎஸ்” என்ற ஹேஷ்டேக்கை ட்ரெண்ட் செய்து வருகின்றனர்.
