சென்னை: சென்னை வள்ளுவர் கோட்டம் திருமலைப் பிள்ளை சாலையில் உள்ள ஏடிஎம் (சிடிஎம்) மையத்தில் நேற்று (திங்கட்கிழமை) இரவு பணம் செலுத்தும் போது இருவர் தகராறு செய்து ஒருவரை ஒருவர் தாக்கிக் கொண்டனர்.
அப்போது ஒரு நபர் பைக்கை எடுத்து யாரிடமும் சொல்லாமல் நுங்கம்பாக்கம் காவல் நிலைய வளாகத்தில் விட்டுச் சென்றார். இந்நிலையில் நுங்கம்பாக்கம் காவல் நிலையத்திற்கு பாண்டி பஜார் காவல் நிலையத்தில் இருந்து என்று தொலைபேசி அழைப்பு வந்தது.
அப்போது எங்கள் காவல் நிலையத்திற்கு உட்பட்ட பகுதியில் தகராறு ஏற்பட்டது. நுங்கம்பாக்கம் காவல் நிலைய வளாகத்தில் உள்ள வாகனத்தை வந்து எடுத்துச் செல்கிறோம் என்று மறுமுனையில் இருந்தவர் கூறினார்.
சிறிது நேரத்தில், ராமநாதபுரம் மாவட்டம் கீழக்கரையைச் சேர்ந்தவரும், தற்போது சென்னை ஏழுகிணறு பகுதியில் வசிக்கும் ஹமீது, தனது நண்பர்கள் இருவருடன் நுங்கம்பாக்கம் காவல் நிலையத்துக்கு வந்து வாகனம் கேட்டார்.
வாகனத்தின் ஆவணங்களை எடுத்துக்கொண்டு பாண்டிபஜார் காவல் நிலையத்திற்கு செல்லும்படி பணியில் இருந்த காவலர்கள் அவரிடம் கூறியதையடுத்து, ஹமீத்திடம் இருந்து இருசக்கர வாகனத்தின் சாவியை போலீஸார் எடுத்துச் சென்று சந்தேகமடைந்து பெட்டியை திறந்தபோது, அதில் ஏராளமான பணம் இருந்தது.
அவற்றை எண்ணிப் பார்த்தபோது பத்து லட்சம் ரூபாய். ஆனால் முறையான ஆவணங்கள் இல்லை. இதுகுறித்து நுங்கம்பாக்கம் போலீசார் உயர் போலீஸ் அதிகாரிகளுக்கு தகவல் தெரிவித்தனர். ஏடிஎம் மையத்தில் ஏற்பட்ட தகராறு குறித்து, தகராறில் ஈடுபட்டது யார்? மற்றும் ஹவாலா பணமா?
மேலும் ஹமீத்திடம் போலீசார் விசாரணை நடத்தி வருகின்றனர்.
