கள்ளக்குறிச்சி: சின்னசேலம் அருகே நடிகர் ஜீவாவின் கார் இன்று விபத்துக்குள்ளானதில் அவரது மனைவி மற்றும் பைக்கில் சென்றவர் படுகாயம் அடைந்தார்.
நடிகர் ஜீவா இன்று சேலத்தில் இருந்து சென்னைக்கு குடும்பத்துடன் காரில் சென்றுள்ளார். இவர் கள்ளக்குறிச்சி மாவட்டம், கணியமூர் பேருந்து நிறுத்தம் அருகே சென்று கொண்டிருந்தபோது, திடீரென பைக் அவர் மீது வந்ததாகக் கூறப்படுகிறது.
இதனால், நடிகர் ஜீவா சென்ற கார், பைக் மீதும், சாலையோர தடுப்பு வேலி மீதும் மோதியது. இந்த விபத்தில் நடிகர் ஜீவாவின் மனைவி மற்றும் பைக்கில் சென்ற மணிகண்டன் ஆகியோர் லேசான காயம் அடைந்தனர்.
ஜீவாவுக்கும் லேசான காயம் ஏற்பட்டதாக கூறப்படுகிறது. தகவல் கிடைத்ததும் சின்னசேலம் போலீசார் சம்பவ இடத்திற்கு வந்து நடிகர் ஜீவாவின் மனைவியை சேலம் மருத்துவமனைக்கும், மணிகண்டனை சின்னசேலம் அரசு மருத்துவமனைக்கும் அனுப்பி வைத்து வழக்கு பதிவு செய்து விசாரணை நடத்தி வருகின்றனர்.
