மும்பை: குஜராத் அணியை வாங்குவதில் இருந்து இந்தியாவின் முன்னணி தொழிலதிபர் அதானி பின்வாங்கியுள்ளதாக தகவல் வெளியாகியுள்ளது. இதனால், டோரண்ட் குழுமத்திற்கான முக்கிய பங்குகளை சிவிசி கேபிடல்ஸ் வாங்கும் வாய்ப்பு உள்ளது.
2022 ஆம் ஆண்டு ஐபிஎல் தொடரில் புதிய அணிகள் அறிமுகம் செய்யப்பட்டன. குஜராத் அணியை சிவிசி கேபிடல்ஸ் வாங்கியது, லக்னோ அணியை ஆர்பிஎஸ்ஜி வாங்கியது. 5,625 கோடிக்கு குஜராத் அணியை சிவிசி கேப்பிடல்ஸ் வாங்கியது. இதன் மூலம் ஐபிஎல் அணிகளின் எண்ணிக்கை 10 ஆக உயர்ந்தது.
பிசிசிஐ வருமானமும் அதிகரித்தது. ஹர்திக் பாண்டியா தலைமையிலான முதல் சீசனில் பட்டம் வென்ற நிலையில், 2வது சீசனில் இறுதிப் போட்டியில் தோல்வியடைந்தது. மூன்றாவது சீசனில் சப்மேன் கில் கேப்டனாக நியமிக்கப்பட்டார்.
அந்த சீசனில் குஜராத் அணி பிளே ஆஃப் சுற்றுக்கு முன்னேறவில்லை. புதிய அணிக்கான ஏலத்தில் இந்தியாவின் முன்னணி தொழிலதிபர் அதானி பங்கேற்றார். இவரால் ரூ.5,100 கோடியும், டோரண்ட் குரூப்ஸ் மூலம் ரூ.4,653 கோடியும் வழங்கப்பட்டது.
ஆனால், சிவிசி கேபிடல்ஸ் அணி ரூ.5,625 கோடிக்கு டெண்டருக்கு விண்ணப்பித்து குஜராத் அணியை வென்றது. அதே நேரத்தில் அதானி மகளிர் பிரிமியர் லீக் அணியான அகமதாபாத்தை ரூ.1,289 கோடிக்கு வாங்கியது. இதனிடையே, குஜராத் அணியின் பெரும்பான்மை பங்குகளை விற்க சிவிசி கேபிடல்ஸ் முடிவு செய்துள்ளது.
இதனால் குஜராத் அணியை விலைக்கு வாங்க அதானி மற்றும் டோரன்ட் குரூப்ஸ் முயற்சித்து வருகின்றன. குஜராத் அணியின் மதிப்பு ரூ.8,390 கோடி. அதானி நிறுவனத்தை கையகப்படுத்தியதற்கான காரணம் குறித்து எந்த தகவலும் வெளியிடப்படவில்லை.
