சிவா இயக்கத்தில் சூர்யா, பாபி தியோல், திஷா பதானி மற்றும் பலர் நடிப்பில் உருவாகி வரும் படம் ‘கங்குவா’.
ஸ்டுடியோ கிரீன் நிறுவனம் தயாரிக்கும் இப்படத்திற்கு தேவி ஸ்ரீ பிரசாத் இசையமைத்துள்ளார். இப்படம் அக்டோபர் 10-ம் தேதி வெளியாகும் என முதலில் அறிவிக்கப்பட்டது.
அதே தேதியில் ரஜினியின் ‘வேட்டையன்’ படம் வெளியாகும் என்றும் அறிவிக்கப்பட்டது. இதனால் ‘கங்குவா’ படத்தின் வெளியீடு தள்ளிப்போனது. இதையடுத்து ‘கங்குவா’ படத்தின் ரிலீஸ் தேதி குறித்து படக்குழுவினர் பேச்சுவார்த்தை நடத்தி வந்தனர்.
இறுதியில், நவம்பர் 14-ம் தேதி சரியானது என்று கருதப்படுகிறது. இந்த தேதியில் அனைத்து மொழி விநியோகஸ்தர்களுடனும் பேச்சுவார்த்தை தொடங்கியுள்ளது. எந்த ஆட்சேபனையும் இல்லை என்றால், நவம்பர் 14 ரிலீஸ் என்பதை இன்னும் ஓரிரு நாட்களில் படக்குழு அதிகாரப்பூர்வமாக அறிவிக்கும்.
ஒரே நேரத்தில் அனைத்து மொழிகளிலும் வெளியாகும் என்பதால், தணிக்கை பணிகளை முன்கூட்டியே முடிக்கவும் முடிவு செய்துள்ளனர்.
