விஜய் ஆண்டனி, ரியா சுமன் நடித்துள்ள படம் ‘ஹிட்லர்’. சரண்ராஜ், கௌதம் வாசுதேவ் மேனன், ரெடின் கிங்ஸ்லி, விவேக் பிரசன்னா, இயக்குனர் தமிழ் ஆகியோர் முக்கிய வேடங்களில் நடித்துள்ளனர்.
விவேக் மற்றும் மெர்வின் இசையமைத்துள்ள இந்த படத்திற்கு நவீன் குமார் ஒளிப்பதிவு செய்துள்ளார். செந்தூர் ஃபிலிம் இன்டர்நேஷனல் சார்பில் டி.டி.ராஜா மற்றும் டி.ஆர்.சஞ்சய் குமார் தயாரித்துள்ளனர்.
வரும் 27-ம் தேதி வெளியாகும் இந்தப் படத்தின் இசை வெளியீட்டு விழாவில் இயக்குநர் தானா கூறுகையில், “இது ஆக்ஷன் படம். ஒரு பக்கம் விஜய் ஆண்டனி, மறுபக்கம் கௌதம் மேனன். இருவரையும் இயக்க சற்று தயங்கினேன்.
அவர்களின் ஒத்துழைப்பால்தான் இந்தக் கதையை சிறப்பாக உருவாக்கினேன். கமர்ஷியல் ஆக்ஷன் படமாக இது இருக்கும், அனைவருக்கும் பிடிக்கும்,” என்றார்.
விஜய் ஆண்டனி பற்றி பேசுகையில், “கௌதம் மேனன் சாருடன் நடிப்பது மகிழ்ச்சி அளிக்கிறது. 2005-ம் ஆண்டு அவரைச் சந்தித்து அவருடைய படத்துக்கு இசையமைக்க வாய்ப்பு கேட்டேன். இப்போது அவருடன் நடிப்பதில் மிக்க மகிழ்ச்சி.
தானா ஒரு சிறந்த இயக்குனர். படத்தை பிரமாதமாக படமாக்கியிருக்கிறார்,” என்றார்.
