சென்னை: ஆம்ஸ்ட்ராங் கொலை வழக்கில் தனக்கு தொடர்பு இருப்பதாக கூறியுள்ள பகுஜன் சமாஜ் கட்சியின் தமிழக பொதுச்செயலாளர் ஜெய்சங்கர் 14 நாட்களுக்குள் நிபந்தனையற்ற மன்னிப்பு கேட்க வேண்டும்.
இல்லாவிட்டால் ரூ.10 கோடி இழப்பீடு கேட்டு அவதூறு வழக்கு தொடரப்படும் என தமிழக காங்கிரஸ் தலைவர் கு.செல்வப்பெருந்தை நோட்டீஸ் அனுப்பியுள்ளார்.
பகுஜன் சமாஜ் கட்சியின் தமிழ்நாடு பொதுச் செயலாளர் கே.ஜெய்சங்கர் காங்கிரஸ் மூத்த தலைவர் ராகுல் காந்திக்கு கடிதம் ஒன்றை அனுப்பியுள்ளார். அதில், “ஆடிட்டர் பாண்டியன், ஆல்பர்ட், பிபிஜி சங்கர் கொலை தொடர்பான வழக்குகள் தமிழக காங்கிரஸ் தலைவர் செல்வப்பெருந்தகை மீது உள்ளது.
ஆம்ஸ்ட்ராங் கொலையில் தொடர்புடைய அஸ்வத்தாமனுக்கு இளைஞர் காங்கிரஸில் பொதுச்செயலாளர் பதவியை வழங்கியவர். எனவே, அவரை கட்சியின் மாநில தலைவர் பதவியில் இருந்து நீக்க வேண்டும்,” என, கடிதத்தில் தெரிவித்துள்ளார்.
இதையடுத்து, தமிழக காங்கிரஸ் வழக்கறிஞர் பிரிவுத் தலைவர் கே.சந்திரமோகன், பகுஜன் சமாஜ் பொதுச் செயலாளர் ஜெய்சங்கர் மீது, சொத்துக் குவிப்பு குறித்து தவறான தகவல் பரப்பியதாக, சென்னை போலீஸ் கமிஷனர் அலுவலகத்தில் புகார் அளித்தார்.
இந்நிலையில் ஜெய்சங்கருக்கு வக்கீல் மூலம் செல்வப்பெருந்தகை நோட்டீஸ் அனுப்பியுள்ளார். அதில், “எனது நற்பெயருக்கு களங்கம் ஏற்படுத்தும் வகையில் நடந்து கொண்டீர்கள். எனவே, 14 நாட்களுக்குள் நிபந்தனையற்ற மன்னிப்பு கேட்க வேண்டும்.
இல்லாவிட்டால், தலா ரூ.10 கோடி இழப்பீடு கோரி நீதிமன்றத்தில் அவதூறு வழக்கு தொடரப்படும்,” என்றார்.
