பிரபல இயக்குனர் மற்றும் தயாரிப்பாளரான பா. ரஞ்சித், தனது அடுத்த திரைப்படத்தின் அதிகாரப்பூர்வ அறிவிப்பை வெளியிட்டுள்ளார். 2012-ம் ஆண்டு தமிழ் மொழியில் “அட்டகத்தி” என்ற திரைப்படம் மூலம் இயக்குனராக அறிமுகமானார்.
அதற்கு முன்னதாக, அவர் உதவி இயக்குனராகவும், சில படங்களில் ஜூனியர் ஆர்டிஸ்டாகவும் பணியாற்றியுள்ளார். தமிழ்த் திரையுலகில் வித்தியாசமான பல திரைப்படங்களை வழங்கிய பா. ரஞ்சித், முக்கிய இயக்குனர்களில் ஒருவர்.
2014-ம் ஆண்டு, கார்த்தியின் “மெட்ராஸ்” திரைப்படம் மிகப்பெரிய வரவேற்பை பெற்றது. பின்னர், “கபாலி” மற்றும் “காலா” என்ற இரண்டு பெரிய படங்களை சூப்பர் ஸ்டாருடன் இணைந்து இயக்கி, அவற்றும் ரசிகர்களிடையே வெற்றி பெற்றன. தமிழில் “சார்பட்டா பரம்பரை”, “நட்சத்திரங்கள் நகர்கிறது” மற்றும் “தங்கலான்” போன்ற வெற்றிப் படங்களை அளித்தார்.
2018-ம் ஆண்டு, பிரபல இயக்குனர் மாரி செல்வராஜ் இயக்கத்தில் வெளியான “பரியேறும் பெருமாள்” மூலம் தயாரிப்பாளராகவும் அறிமுகமாகிறார். தொடர்ந்து பல வெற்றிப் படங்களை தயாரித்த ரஞ்சித், தற்போது “தண்டகாரண்யம்” என்ற புதிய திரைப்படத்தை தயாரிக்க இருக்கிறார்.
