சென்னை: விஷ்ணு வர்தன் இயக்கத்தில் ஆகாஷ் முரளி நடிக்கும் படத்துக்கு ‘நேசிப்பாயா’ எனப் பெயரிடப்பட்டுள்ளதாக படக்குழு அறிவித்துள்ளது. ‘அறிந்தும் அர்ணாமலும்’,‘பட்டியல்’ , ‘பில்லா’, ‘ஆரம்பம்’ போன்ற படங்களை இயக்கிய விஷ்ணு வர்தன், ‘ஷெர்ஷா’ படத்தின் மூலம் பாலிவுட்டில் அறிமுகமானார். அடுத்து சல்மான் கானை வைத்து ஒரு படத்தையும் இயக்குகிறார்.
தற்போது மறைந்த நடிகர் முரளியின் மகனும் அதர்வாவின் தம்பியுமான ஆகாஷ் முரளியை வைத்து ரொமாண்டிக் என்டர்டெய்னர் ஜானரில் ஒரு படத்தை இயக்கி வருகிறார். சரத்குமார், பிரபு, குஷ்பு சுந்தர், கல்கி கோச்லின், ஷிவ் பண்டிட் மற்றும் பலர் நடித்துள்ளனர்.
இப்படத்தை ‘மாஸ்டர்’ படத்தை தயாரித்த சேவியர் பிரிட்டோ தயாரிக்கிறார். அதிதி சங்கர் கதாநாயகியாக நடிக்கிறார். இதுதவிர சரத்குமார், பிரபு கணேசன், குஷ்பு சுந்தர், கல்கி கோச்லின், ஷிவ் பண்டிட், ஜார்ஜ் கோரா உள்ளிட்டோர் நடிக்கின்றனர்.
போர்ச்சுகல் மற்றும் ஸ்பெயினின் பல்வேறு நகரங்களில் இப்படத்தின் படப்பிடிப்பு நடைபெற்றது. இந்தியாவில் பெங்களூரு மற்றும் சென்னையில் படப்பிடிப்பு நடந்தது. காதல் கதையாக உருவாகும் இப்படத்திற்கு ‘நேசிப்பாயா’ எனப் பெயரிடப்பட்டுள்ளது. யுவன் ஷங்கர் ராஜா இசையமைத்துள்ளார். கேமரூன் பிரைசன் ஒளிப்பதிவு செய்ய, ஸ்ரீகர் பிரசாத் படத்தொகுப்பு பணிகளை கவனிக்கிறார்.
