போயபதி சீனு இயக்கத்தில், நந்தமூரி பாலகிருஷ்ணா நடித்துள்ள படம் ‘அகண்டா’. இதில் பிரக்யா ஜெய்ஸ்வால், ஜெகபதி பாபு, பூர்ணா, அவினாஷ், விஜி சந்திரசேகர் மற்றும் பலர் நடித்துள்ளனர்.
ராம் பிரசாத் ஒளிப்பதிவு செய்ய தமன் இசையமைத்துள்ளார். படம் டிசம்பர் 2, 2021 அன்று வெளியிடப்பட்டது. 2021-ல் அதிக வசூல் செய்த தெலுங்கு படங்களில் இதுவும் ஒன்றாக மாறியது.
இதன் பின்னணி இசை மற்றும் அதிரடி காட்சிகள் அதிகம் பேசப்பட்டது. ஒடிடி–ல் நல்ல வரவேற்பை பெற்றது. இந்த பெரும் வரவேற்புக்குப் பிறகு 2ம் பாகத்திற்கான பேச்சு வார்த்தை தொடங்கியது.
இருப்பினும், போயபதி சீனு மற்றும் பாலகிருஷ்ணா இருவரும் வெவ்வேறு படங்களில் பணியாற்றினர். தற்போது இருவரும் இணைந்து ‘அகண்டா 2 – தாண்டவம்’ படத்தை அதிகாரப்பூர்வமாக அறிவித்துள்ளனர்.
இப்படத்தின் பூஜை இன்று (அக்.16) ஐதராபாத்தில் நடைபெறவுள்ளது. முதல் பாகத்தில் பணியாற்றிய அதே தொழில்நுட்பக் குழுவே இரண்டாம் பாகத்திலும் பணியாற்றவுள்ளது.
இந்த படம் முதல் பாகத்தின் தொடர்ச்சியா அல்லது புதிய கதையா என்பதை தயாரிப்பாளர்கள் இன்னும் உறுதிப்படுத்தவில்லை.
