நலன் குமாரசாமி இயக்கத்தில் கார்த்தி, சத்யராஜ், ராஜ்கிரண், கீர்த்தி ஷெட்டி மற்றும் பலர் நடிப்பில் உருவாகி வரும் படம் ‘வா வாத்தியார்’.
ஸ்டுடியோ கிரீன் நிறுவனம் தயாரிக்கும் இந்த படத்திற்கு சந்தோஷ் நாராயணன் இசையமைக்கிறார். இந்தப் படம் பல வருடங்களாக உருவாகி வருகிறது.
‘வா வாத்தியார்’ படத்துக்குப் பிறகு தொடங்கப்பட்ட ‘மெய்யழகன்’ படம் வெளியாகி இருப்பது குறிப்பிடத்தக்கது. கார்த்தியின் கேரியரில் அதிக பொருட்செலவில் உருவாகியுள்ள படம் ‘வா வாத்தியார்’ என்று கூறப்படுகிறது.
தற்போது இந்த படத்தை அடுத்த ஆண்டு ஜனவரியில் வெளியிட திட்டமிட்டுள்ளனர். அதன்படி இறுதிக்கட்ட பணிகளை விரைவுபடுத்தி வருகின்றனர். விரைவில் படத்தின் டீசரை வெளியிட படக்குழு முடிவு செய்துள்ளது.
குறிப்பாக, ‘வா வாத்தியார்’ படத்தின் டீசரை ‘கங்குவா’ படத்துடன் இணைப்பதா என்ற பேச்சு வார்த்தை தொடங்கியுள்ளது.
