தமிழகத்தில் உள்ள அரசு மற்றும் அரசு உதவி பெறும் கல்வியியல் கல்லூரிகளில் பி.எட் படிப்புகளில் 2,040 இடங்கள் உள்ளன.
நடப்பு கல்வியாண்டுக்கான (2024-25) ஆன்லைன் விண்ணப்பப் பதிவு செப்டம்பர் 16-ம் தேதி தொடங்கி செப்டம்பர் 26-ம் தேதி முடிவடைந்தது.
மொத்தம் 2,187 மாணவர்கள் விண்ணப்பித்துள்ளனர். இந்நிலையில், கல்லூரி கல்வி இயக்குனரகம் ஏற்கனவே அறிவித்தபடி, பி.எட். படிப்புக்கான தரவரிசைப் பட்டியல் கடந்த செப்டம்பர் 30-ம் தேதி வெளியிடப்பட்டது.
இதைத் தொடர்ந்து, விருப்பமான கல்லூரியைத் தேர்வு செய்வதற்கான கவுன்சிலிங் அக்டோபர் 14-ம் தேதி தொடங்கி 19-ம் தேதி முடிவடைகிறது. முதலாம் ஆண்டு மாணவர்களுக்கான வகுப்பு அக்டோபர் 23-ம் தேதி தொடங்குகிறது.
