மதுரை: மதுரையை தலைமையிடமாகக் கொண்டு இயங்கி வந்த நியோமேக்ஸ் நிறுவனம், கூடுதல் வட்டி, நிலம் தருவதாகக் கூறி தமிழகம் முழுவதும் பொதுமக்களிடம் ஆயிரக்கணக்கான கோடி முதலீட்டை வசூலித்து பொதுமக்களை ஏமாற்றியது.
இது தொடர்பாக மதுரை பொருளாதார குற்றப்பிரிவு போலீசார் விசாரணை நடத்தி நிறுவன இயக்குனர்கள் கமலக்கண்ணன், கபில், வீரசக்தி, பாலசுப்ரமணியன் உள்ளிட்டோரை கைது செய்தனர். இந்நிலையில், கைது செய்யப்பட்ட சார்லஸ், இளையராஜா ஆகியோரின் ஜாமீனை ரத்து செய்யக் கோரி, ஜெயின்குமார் உள்ளிட்டோர் மதுரை உயர் நீதிமன்ற அமர்வில் மனு தாக்கல் செய்தனர்.
மேலும், தேடப்பட்டு வரும் செந்தில்வேலு முன்ஜாமீன் கோரி மனு தாக்கல் செய்திருந்தார். இந்த மனுக்களை நீதிபதி டி.பரதசக்கரவர்த்தி விசாரித்து, “இதுவரை எத்தனை பேர் கைது செய்யப்பட்டுள்ளனர்?
எத்தனை பேர் குற்றவாளிகள்? என்ன நடவடிக்கை எடுக்கப்பட்டுள்ளது?” என்று கேள்வி எழுப்பினார். பொருளாதார குற்றப்பிரிவு போலீசார் தரப்பில், “இந்த வழக்கில் நியோமேக்ஸ் நிறுவன சொத்துகளை பறிமுதல் செய்ய நடவடிக்கை எடுக்கப்பட்டு, பொருளாதார குற்றப்பிரிவு ஏடிஜிபி மற்றும் உள்துறை செயலர் ஒப்புதலுக்கு அனுப்பப்பட்டுள்ளது.
கால அவகாசம் அளிக்க வேண்டும். அப்போது நீதிபதி, “இந்த வழக்கில் என்ன நடக்கிறது? இன்னும் எவ்வளவு கால அவகாசம் தேவைப்படும்? வழக்கில் சொத்துக்களை பறிமுதல் செய்து வாரண்ட் பிறப்பிக்க தாமதம் ஏற்பட காரணம் என்ன?
மேலும் அவகாசம் வழங்க முடியாது. நியோமேக்ஸ் வேண்டும். வரும் 19-ம் தேதிக்குள் சொத்துகளை இணைத்து வாரண்ட் பிறப்பிக்க வேண்டும் எனில், பொருளாதார குற்றப்பிரிவு, ஏடிஜிபி, உள்துறை செயலர் ஆகியோர் நீதிமன்றத்தில் ஆஜராகும்படி எச்சரித்து, விசாரணையை 19-ம் தேதிக்கு ஒத்திவைத்தனர்.
