டெல்லி: தலைநகர் டெல்லியில் உள்ள ரோகினி பகுதியில் சிஆர்பிஎஃப் பள்ளி உள்ளது. இந்நிலையில் இன்று காலை சிஆர்பிஎப் பள்ளி அருகே மர்ம பொருள் பயங்கர சத்தத்துடன் வெடித்து சிதறியது. காலை 7.50 மணியளவில் சிஆர்பிஎஃப் பள்ளியின் நுழைவு வாயில் அருகே மர்ம பொருள் ஒன்று வெடித்து சிதறியது.
இந்த சம்பவத்தில் அருகில் உள்ள கடைகளின் விளம்பர பேனர்கள் சேதம் அடைந்தன. கார் கண்ணாடிகள் உடைந்துள்ளன. இந்த சம்பவத்தால் அப்பகுதியில் யாருக்கும் எந்த பாதிப்பும் ஏற்படவில்லை என்று கூறப்படுகிறது. இச்சம்பவத்தை தொடர்ந்து போலீசார் மற்றும் பாதுகாப்பு படையினர் விரைந்து வந்து விசாரணை நடத்தினர்.
குண்டுவெடிப்பு சம்பவமா? தீவிரவாத தாக்குதலா? அல்லது வேறு ஏதாவது நிகழ்ச்சியா? அதிகாரிகள் விசாரணை நடத்தி வருகின்றனர். அதேநேரம் பெட்ரோல் குண்டு வீசப்பட்டதாகவும் முதற்கட்ட தகவல் வெளியாகியுள்ளது.
