சென்னை: குடும்ப அட்டைதாரர்களுக்கு மே, ஜூன் மாதத்துக்கான துவரம் பருப்பு, பாமாயில் விநியோகம் ஜூலை முதல் வாரத்திற்குள் முடிக்கப்படும் என சட்டப்பேரவையில் அமைச்சர் சக்கரபாணி தெரிவித்தார். தமிழக சட்டப்பேரவையில் உணவு மற்றும் நுகர்வோர் பாதுகாப்புத் துறையின் மானியக் கோரிக்கை மீதான விவாதம் நேற்று நடைபெற்றது. இதில் பேசிய திமுக, காங்கிரஸ் எம்எல்ஏக்கள், மே, ஜூன் மாதங்களில் குடும்ப அட்டைதாரர்களுக்கு பருப்பு, பாமாயில் வழங்காதது குறித்து கேள்வி எழுப்பினர்.
தேர்தல் நடத்தை விதிகளால் தாமதம்: இதற்கு பதிலளித்த உணவுத் துறை அமைச்சர் ஆர். சக்கரபாணி கூறியதாவது: தேர்தல் நடத்தை விதிகள் அமலில் உள்ளதால் அனுமதி பெறுவதில் தாமதம் ஏற்பட்டது. அதன்பின்னர், 2 கோடி பாமாயில் பாக்கெட்டுகள், தேவையான நிலக்கடலைகள் ஆர்டர் செய்யப்பட்டு அனைத்தும் நியாய விலைக் கடைகளுக்கு வழங்கப்பட்டு வருகிறது. வரும் ஜூலை முதல் வாரத்தில் அனைத்து குடும்ப அட்டைதாரர்களுக்கும் மே மற்றும் ஜூன் மாதத்துக்கான பருப்பு, பாமாயில் வழங்கப்படும். இவ்வாறு அவர் பதிலளித்தார்.
பின்னர் அவர் வெளியிட்ட அறிவிப்புகளில் பின்வருவன அடங்கும்: PDP பொருட்களை விரைவாக வழங்குவதற்காக போக்குவரத்து வழிகள் மேம்படுத்தப்படும். 5 கோடி செலவில் 100 அமுதம் நியாய விலைக்கடைகள் மேம்படுத்தப்படும். தமிழ்நாடு நுகர்பொருள் வாணிபக் கழகம் மற்றும் தனியார் ஆலைகளில் மின் நுகர்வு கண்காணிக்கப்படும்.
பணியாளர்களுக்கு சீருடை: நுகர்பொருள் வாணிப கழகத்தில் பணிபுரியும் 4,710 பணியாளர்களுக்கு நடப்பு நிதியாண்டில் சீருடை வழங்கப்படும். அத்தியாவசிய உணவுப் பொருட்களின் தரத்தை உறுதி செய்ய ரூ.25 லட்சம் செலவில் தரக்கட்டுப்பாட்டு பணியாளர்களுக்கு பயிற்சி அளிப்பது உள்ளிட்ட 20 அறிவிப்புகளை வெளியிட்டார்.
