மதுரை: உலகப் புகழ் பெற்ற மதுரை மீனாட்சி அம்மன் கோயில் கும்பாபிஷேகம் 12 ஆண்டுகளுக்கு ஒருமுறை நடைபெறும். எனவே மீனாட்சியம்மன் கோவில் கும்பாபிஷேகம் விரைவில் நடைபெறும். இதற்காக ஏற்கனவே சிறப்பு பூஜைகள் மற்றும் ஏற்பாடுகள் நடந்து வருகிறது.
இந்நிலையில், மீனாட்சி அம்மன் கோயிலில் திருப்பணிகள் மற்றும் கோபுரங்களுக்கு வர்ணம் பூசும் பணிகள் நடைபெற்று வருகின்றன. இதற்காக கோவில் கோபுரங்களுக்கு திரைச்சீலை போடப்பட்டுள்ளது.
எனவே கோவிலின் பாதுகாப்பு கருதி தீபாவளியன்று பட்டாசு வெடிக்கும் போது எளிதில் தீப்பற்றக்கூடிய மற்றும் ஆபத்தை விளைவிக்கும் பட்டாசுகளை வெடிப்பதை தவிர்க்குமாறு கோவிலின் அருகில் வசிக்கும் பொதுமக்கள் மற்றும் பக்தர்களுக்கு கோவில் நிர்வாகம் வேண்டுகோள் விடுத்துள்ளது.
